PAETE.ORG FORUMS
Paetenians Home on the Net

HOME | ABOUT PAETE | USAP PAETE MUNISIPYO  | MEMBERS ONLY  | PICTORIAL PAETE | SINING PAETE  | LINKS  |

FORUM GUIDELINES
please read before posting

USAP PAETE Forum Index USAP PAETE
Discussion Forums for the people of Paete, Laguna, Philippines
 
 FAQFAQ   SearchSearch    UsergroupsUsergroups   RegisterRegister 
 ProfileProfile   Log in to check your private messagesLog in to check your private messages   Log inLog in 

RES.BLG. 64-A at RES. BLG.138 T. 2011-DOH LIGTAS TUBIG PROJ.

 
Post new topic   Reply to topic   printer-friendly view    USAP PAETE Forum Index -> Balitang Paete - Sangguniang Bayan
View previous topic :: View next topic  
Author Message
Ana Victoria A. Agravia



Joined: 24 May 2008
Posts: 190
Location: Paete, Laguna

PostPosted: Wed Oct 26, 2011 1:43 am    Post subject: RES.BLG. 64-A at RES. BLG.138 T. 2011-DOH LIGTAS TUBIG PROJ. Reply with quote

Sa mga kinauukulan:

Magalang ko pong ipinababatid sa inyong kaalaman na noon pong ika-02 ng Mayo, 2011 ay mayroong pinagtibay na Res. Blg. 64-A ang Kgg. Sangguniang Bayan ng Paete, Laguna na may titulong:

RESOLUSYONG KAHILINGAN KINA DR. ENRIQUE T. ONA, KALIHIM NG KAGAWARAN NG KALUSUGAN (DOH), KGG. JESSE M. ROBREDO, KALIHIM NG DEPARTMENT OF INTERIOR AND LOCAL GOVERNMENT (DILG) AT KGG. JOSE T. ROCAMORA, KALIHIM NG NATIONAL ANTI-POVERTY COMMISSION NA MAPAGKALOOBAN NG HALAGANG SAMPUNG MILYONG PISO (PHP. 10,000,000.00) ANG BAYAN NG PAETE, LAGUNA PARA SA PROYEKTONG “LEVEL 2 WATER SUPPLY SYSTEM” AT PAGBIBIGAY NG KARAPATAN KAY KGG. EMMANUEL B. CADAYONA, PUNONG-BAYAN, NA KATAWANIN ANG PAMAHALAANG BAYAN NG PAETE, LAGUNA NA LUMAGDA SA KASULATAN NG KASUNDUAN (MOA) UKOL SA PAGSASAGAWA NG PROYEKTONG ITO.

Narito po ang nilalaman ng nasabing Resolusyon:





Magalang ko pong ipinababatid na noong ika-24 ng Oktubre, 2011 ay mayroong pinagtibay na Res. Blg. 138 T. 2011 ang Kgg. Sangguniang Bayan ng Paete, Laguna na may titulong:

RESOLUSYONG BINIBIGYANG-KARAPATAN AT KAPANGYARIHAN SINA KGG. EMMANUEL B. CADAYONA, PUNONG-BAYAN AT GNG. MENCHIE P. ESPAÑOLA, PAMBAYANG INGAT-YAMAN NA LUMAGDA AT KATAWANIN ANG PAMAHALAANG BAYAN NG PAETE, LAGUNA SA PAGBUBUKAS NG BAGONG ACCOUNT SA BANGKO AT UPANG MAKAPAGPASOK AT MAKAPAGLABAS NG PONDO PARA SA IBA PANG LAYUNIN KAUGNAY NG PROYEKTONG “LIGTAS TUBIG PARA SA LAHAT” NG KAGAWARAN NG KALUSUGAN (DOH) AT NG PAMAHALAANG BAYAN NG PAETE, LAGUNA.

Narito po ang nilalaman ng nasabing Res. Blg. 138 T. 2011:





Para po sa inyong kabatiran.
Back to top
View user's profile Send private message AIM Address Yahoo Messenger MSN Messenger
Ana Victoria A. Agravia



Joined: 24 May 2008
Posts: 190
Location: Paete, Laguna

PostPosted: Thu Nov 24, 2011 9:19 pm    Post subject: Reply with quote

Sa mga kinauukulan,

Magalang ko pong ipinababatid sa inyong kaalaman na noon pong ika-14 ng Nobyembre, 2011 ay mayroong pinagtibay na Resolusyon Blg. 142 T. 2011 ang Kgg. Sangguniang Bayan na may titulong Resolusyong pagkatig sa Kapasiyahan Blg. 6 T. 2011 ng Pambayang Lupon sa Kaunlaran ng Paete, Laguna, Kapasiyahang pinagtitibay ang Proyekto na ipinagkaloob ng Kagawaran ng Kalusugan at Paglalaan ng halagang Php 700,000.00 bilang bahagi ng Php 1,000,000.00 Equity ng Pamahalaang Bayan ng Paete, Laguna para sa nasabing proyekto ng Rehabilitation of Water Supply System sa Barangay Quinale.

Narito po ang nilalaman ng nasabing Resolusyon:







Back to top
View user's profile Send private message AIM Address Yahoo Messenger MSN Messenger
mutuk
Forum Moderator


Joined: 11 Oct 2005
Posts: 1860
Location: Vice mayor Rojilyn Bagabaldo

PostPosted: Fri Feb 15, 2013 1:14 pm    Post subject: Reply with quote







_________________
Rojilyn "Mutuk" Quiachon Bagabaldo
Back to top
View user's profile Send private message
Ana Victoria A. Agravia



Joined: 24 May 2008
Posts: 190
Location: Paete, Laguna

PostPosted: Fri May 03, 2013 1:44 am    Post subject: KATITIKAN NG SANGGUNIANG BAYAN 04-15-13 E. A. SAGUID CONST. Reply with quote

Sa mga kinauukulan,

Magalang ko pong ipinababatid sa inyong kaalaman na noon pong ika-15 ng Abril, 2013 ay naging panauhin sa Karaniwang Pagpupulong ng Kgg. Sangguniang Bayan si G. Thomas Tapia, Project Coordinator ng E. A. Saguid Construction upang makapanayam tungkol sa proyektong Sagana at Ligtas na Tubig para sa lahat.

Narito po ang nilalaman ng talakayan ng nasabing panayam kay G. Thomas Tapia at ng bumubuo ng Kgg. Sangguniang Bayan:

KATITIKAN NG KARANIWANG PULONG NG SANGGUNIANG BAYAN NG PAETE, LAGUNA NA GINANAP SA VICTOR PAGALANAN MEMORIAL HALL, BATASANG BAYAN, GUSALING ADECI, PAETE, LAGUNA NOONG IKA-15 NG ABRIL, 2013, ARAW NG LUNES.

MGA DUMALO:

Kgg. Rojilyn Q. Bagabaldo,
Pangalawang Punong-Bayan/Tagapangulo,

Kgg. Anna Pamela R. dela Rosa,
Konsehal,

Kgg. Brigido R. Bagayana,
Konsehal,

Kgg. Aurelio P. Paraiso,
Konsehal,

Kgg. Lourdes F. Sunga,
Konsehal,

Kgg. Eriberto D. Pascual,
Konsehal,

Kgg. Urbano R. Cadapan,
Konsehal,

Kgg. Emerito B. Gajitos,
Konsehal,

Kgg. Hermie B. Bagongahasa,
LBP-Konsehal,

Kgg. Lyeka May S. Sadsad,
SKFP-Konsehal.

HINDI DUMALO:

Kgg. Ronaldo Z. Valdellon,
Konsehal(†).

MGA PANAUHIN:
Kgg. Maximo Ballares,
Kagawad (Barangay 6 Ilaya del Norte),

G. Thomas R. Tapia,
Project Coordinator,(E.A. Saguid Construction),

G. Howard Ludovico,
Kinatawan (E. A. Saguid Construction).

Inilagay sa kaayusan ang pagpupulong sa ganap na ika-09:33 sa pamamagitan ng panalangin na pinamunuan ni LBP-Konsehal Hermie B. Bagongahasa.

Sa pamamagitan ng Kalihim ay tinawag ang pangalan ng dumalong mga Konsehal at ipinahayag na may korum.

Tagapangulo. Kung wala na po ay dadako na po tayo sa susunod. Mayroon po tayong nakatala na panauhin, G. Ernie A. Saguid, E. A. Saguid Construction. Ito yung napag-usapan noon na makumbida para po bigyang-linaw itong usapin tungkol sa Ligtas na Tubig. Mayroon po bang dumating?

Konsehal Emerito B. Gajitos. Isa pa po tungkol po sa kanina, kung maaari po. Ano po ang magiging lagay ng ating kasamahan dito, ni Kgd. Maximo Ballares? As is po?

Tagapangulo. Sa ngayon?

Konsehal Emerito B. Gajitos. Opo, sa ngayon po. Para lang po magkaroon ng record ang katitikan natin na siya ay pumunta rito sa ating pagpupulong.

Tagapangulo. Para po mawalan ng basehan, para walang conflict doon sa baka nga may mga bagay na dapat na siyang maupo, hindi natin masabi, ay ire-recognize po natin siya at nagre-report dito na kung sakaling ganoon nga ang mangyari ay narito siya. Parang protocol na kung ngayon siya ma-recognized ay nariyan siya, handa siyang umakto bilang pamalit sa namayapang Konsehal Valdellon. Recognized po, noted po.
Konsehal Emerito B. Gajitos. Salamat po.

PAGTATANUNGAN
Sa pamamagitan ni Konsehal Emerito B. Gajitos ay hiniling na pansamantalang maipagpaliban ang Alituntuning Panloob upang mabigyan ng karapatang makapagpahayag sa kapulungan si G. Ernie A. Saguid ng E. A. Construction. Pinangalawahan ni Konsehal Eriberto D. Pascual, at pinagtibay.

Tagapangulo. Magandang umaga po, sino po yung G. Ernie Saguid?

G. Thomas R. Tapia. Ako po si Thomas Ramos Tapia, representative ni Engr. Saguid po.

Tagapangulo. So nasaan po si Engr. Ernie Saguid?

G. Thomas R. Tapia. Out of town po siya kaya hindi po nakadalo.

Tagapangulo. So kayo po ba ay opisyal na ipinadala niya rito para maging representative sa maaaring maging katanungan namin?

G. Thomas R. Tapia. Opo.

Tagapangulo. Ano po uli ang pangalan?

G. Thomas R. Tapia. Thomas Ramos Tapia po.

Tagapangulo. Magandang umaga po.

Konsehal Emerito B. Gajitos. Akin lang pong itatanong kung ano po ang kanyang posisyon dito sa E. A. Saguid Construction?

G. Thomas R. Tapia. Ako po’y Project Coordinator rin po niya sa lahat ng mga projects na ginagawa niya sa buong Laguna.
Tagapangulo. Rin, ang sabi po ninyo ay Project Coordinator “rin”, so marami po kayo?

G. Thomas R. Tapia. Opo.

Tagapangulo. So ako na po ang magsisimula. Katanungan po, kumusta na po yung proyektong Ligtas na Tubig ng DOH sa bayan ng Paete na kinontrata po ni G. Saguid?

G. Thomas R. Tapia. Ang status po niyan ay lahat po ng pipe laying ay tapos na po, gayundin ang pagkokonekta po sa mga household, ito po ay tapos na. Gayundin po yung mga water springs ay na-rehabilitate po namin, yung existing na apat po dito sa itaas ng bundok. At dahil sa ni-request po ng ating Kgg. na Punong-Bayan na dagdagan pa ang water springs po dahil hindi po sapat yung apat kung kaya’t kami po ay nag-survey po. Pagkatapos mag-survey ay nag-observe kung yun po talagang tubig ay hindi galing sa sapa at ito’y talagang buhay po ang pinanggagalingan. Kami po ay nakakuha ng additional na 13 water springs pa po na idinagdag po namin doon sa apat na existing po. At yun po ay natapos din po namin, na-concrete po namin iyan, nalagyan po ng tubo simula po doon sa mga existing na iyan papunta po sa tinatawag po namin na junction box po sa itaas ng bundok. At iyan po ay diretso po sa ating Planeta. At yun pong Planeta na dati po ay hindi ginagamit ay amin pong nilinis, winater-proofing, at ni-rip rap din po ang mga tagiliran niyan. Ganoon din naman po ang ginawa namin sa Saluno. Lahat po ng water springs sa Saluno ay amin pong ni-rehabilitate, kinongkreto po namin, nilagyan po ng panibagong mga tubo, at yun pong tinatayuan po ng tangke roon ay amin rin pong ni-rehabilitate, nilagyan ng bakod, bubong, pininturahan po. Makikita naman po ninyo, napakaganda po ng ating Saluno na pump house kung tawagin.

Tagapangulo. Para pong hindi ko paniwalaan iyang napakaganda na sa Saluno, kala-kalawang na po yung overhead tank.

G. Thomas R. Tapia. Iyon pong overhead tank ay hindi po kasama yun sa aming Program of Works na natanggap po.

Tagapangulo. So ilang percent na pong tapos ang proyekto?

G. Thomas R. Tapia. Masasabi po namin na 97% po at ang amin na lang pong ginagawa sa ngayon ay leak test po lamang.

Tagapangulo. Ninety percent.

G. Thomas R. Tapia. Ninety-seven percent po. Ang ginagawa na lang po namin ay yung pagha-hydro-testing ng mga linya po. At pag natapos na po itong hydro-testing, masasabi na po naming tapos na po ang project po.

Tagapangulo. Kailan po sinimulan yung proyekto?

G. Thomas R. Tapia. Sa totoo po ay medyo matagal po at nag-umpisa po kami ay mga Abril. Nagkaroon po ng delay simula po ng magkaroon ng habagat, ng unos at ito po ay nakapagdulot sa amin ng talaga pong mahabang panahon ng pagkaka-delay dahil po hindi makapagtrabaho ang aming mga tauhan, lalung-lalo na po sa bundok. Kami po ay nang magbisita, malimit po roon, hindi maaaring hindi kami madudulas. At marami po ring bangin. Ang mga tauhan po namin ay pinangangalagaan rin po namin, kumbaga po ay safety prec at bawal pong magkasakit kaya kapag po maysakit ay magpahinga.

Tagapangulo. Parang hindi ko po kayang paniwalaan na apektado ito ng habagat kasi po hindi naman maulan. Ang habagat lang po ay tumaas lang yung tubig dahil sa hanging habagat. Hindi po naperhuwisyo ang bundok ng ulan. Hindi po nag-uulan ng husto noon.

G. Thomas R. Tapia. Ang totoo po ay sa bundok po ay malimit po talaga ang ulan. At kaunting ulan po lamang ay talaga pong ang daan na ginagamit po namin doon sa pagtatrabaho po ay napakadulas po at marami pong bangin. Talaga pong napakadelikado pong gumawa at magpagawa. Ngayon po, yun pong aming mga idinagdag na water springs po, ang totoo po ay malalayo po sa bawat isa. Mayroon pong 500 meters ang layo papunta sa junction boxes, 350 meters, mayroon po namang malapit-lapit. Pero yun pong pagdadala lamang ng mga materyales papunta doon sa mga water spring na iyan ay ang laki na po ng naging problema. Na ang magbuhat po sa isang madulas na daan ay napakadelikado po talaga. Kaya nagkaroon po ng problema sa mabilis na trabaho, malaki pong hinder ang nagawa po ng kondisyon sa bundok po.

Tagapangulo. So dahil ito po’y sinabi ninyong 97% nang tapos, kailan po matatapos yung huling 3%?

G. Thomas R. Tapia. Iyon pong hydro-testing na lang po ang aming ginagawa. At kung matapos na po itong hydro-testing na ito ay masasabi po naming tapos na po ito.

Tagapangulo. Kailan po kaya?

G. Thomas R. Tapia. Ang hydro-testing po ay medyo mabigat din po. Normal po na magkaroon ng leakage ang mga tubo, lalo na po ang aming ginamit na tubo po at ito po ay ayon po sa specification ng materyales ng DOH, ang ginamit po namin ay yung blue pipes. Ang blue pipes po, pag ikinokonekta po iyan ay mayroon po yung goma sa loob. Kapag ikaw ay bumili ng tubo, yung isang isang tubo po, isang goma po lamang ang mabibili rin po ninyo sa supplier. Sa lakas po talaga ng pressure, doon nga po sa Planeta pababa po, ay nagkakaroon po ng crack yung mga goma na nagiging sanhi po para magkaroon ng leak. At minsan po, mismong yung tubo ang siyang pumuputok. Kami po ay nahihirapang humanap ng goma na iyan dahil para ito’y magkaroon sa supplier ay kailangang bumili ka pa ng tubo. Dahil isang goma po isang tubo. Nagawan ko po ng paraan na makakuha po ako ng mga goma niyan sa Pila mismo po dahil may naggagawa po ng water fitting doon. Ako po’y naki-amot na baka pwedeng makabili.

Tagapangulo. So ang tanong ko po, kailan matatapos yung huling 3%?

G. Thomas R. Tapia. Kung tayo po’y papalarin, baka po sa susunod na buwan, kung wala pong maging masyadong problema sa mga leak ay matapos po.

Tagapangulo. Pag hindi po tayo pinalad?

G. Thomas R. Tapia. Gagawin po namin ang magagawa namin para matapos po ito.

Tagapangulo. Kontrata po iyan.

G. Thomas R. Tapia. Opo.

Tagapangulo. Napakatagal na pong ginagawa at matagal nang delay, ano po?

G. Thomas R. Tapia. Opo.

Tagapangulo. Aminado kayo.

G. Thomas R. Tapia. Opo.

Tagapangulo. So mayroon pa po akong isang tanong, bagamat ang problema’y nasa distribution, bakit ngayon po’y may problema pa sa supply ng tubig ang mga taga-Quinale. Gayung kung ang sinasabi ninyo ay nariyan na yung mga bukal na karagdagan, bakit hindi po ninyo ito maibigay muna doon sa mga dapat bigyan nang sa gayon po ay mayroon na silang tubig na maidagdag doon sa mga dating supply ng tubig?

G. Thomas R. Tapia. Dahil po kami’y nagha-hydro-test kaya minsan po ay nagkakaroon po kami ng pagsasara ng mga linya kaya naaapektuhan po itong mga kabahayan. Pero ginagawan po namin ng paraan, lahat-lahat ng makakaya namin para maging normal po ang supply ng tubig.

Tagapangulo. Nasaan po yung mga karagdagang tubig mula sa bukal na sinasabi ninyo na napupunta sa Planeta?

G. Thomas R. Tapia. Nagte-testing po malimit ang ating mga water system dito sa Paete, at ang kanila pong resulta ay 60 liters per minute po, ay maganda na po yun. Ang mabigat po ay hindi po kuntento sa ganoong resulta kaya naghahanap pa rin po kami ng posibleng leak po na hindi pa po namin masabi kung mayroon o wala kung kaya’t ang supply po ay medyo humihina bagamat nadagdagan ng 13 na water spring box. Maaari pong may leak na hindi po namin alam na siyang nilalabasan ng tubig. Iyon po ang isang hinahanap pa po namin kung mayroon man o wala kaya kami’y nag-iinspeksyon po sa lahat ng mga koneksyon po namin ng tubo.

Tagapangulo. Sa palagay ko po, yung source ng tubig papuntang Planeta, madami? ako po’y mahilig pumasyal doon. Kung babasehan ko po yung inilalagay na tubig galing doon sa itaas, hindi po kakasya ito doon sa supply sa buong Quinale.

G. Thomas R. Tapia. Mayroon pa po kaming instalasyon na ginawa na tubo, yun nga pong dito sa Saluno papunta po sa Planeta. At iyan po, ang tubig po ay paaakyatin namin sa Planeta para lalo pong lumakas pa ang pressure pababa sa Quinale at sa iba pang lugar dito sa ibaba.

Tagapangulo. Ako po’y taga-Quinale. Ang supply po ng Saluno ay kulang na kulang dahil iyan po ay binobomba papataas doon sa overhead tank. Pag yun po ay ginamit na namin ay ubos na yung supply doon sa baba. So kung ang sinasabi ninyong itataas pa doon sa Planeta, ano naman po ang itataas ninyo doon sa overhead tank? Bakit po itataas pa ito doon sa Planeta? Pwede naman bombahin na ng diretso na doon sa mga tubo?

G. Thomas R. Tapia. Iyon po ang ni-request ng ating mahal na Punong-Bayan, kami po ay sumusunod lamang. Iyon po ang sa pag-aaral nila ni Engr. Noel Viray po ay kung itataas daw po ang tubig ay mas malakas ang pressure po pababa ang mangyayari. Iyon po kanilang sabi.

Tagapangulo. So ang Punong-Bayan po ang may ideya ng lahat ng programang ginagawa ninyo?

G. Thomas R. Tapia. Iyon pong pagtataas lang ng tubig po dito sa Planeta.

Tagapangulo. Iyon pong supply ng Saluno, pag itinaas po yun, gaano po ba kadami yung tubig doon sa Saluno para itaas sa Planeta at hanggang gaano karami po ang pwedeng itaas?

G. Thomas R. Tapia. Ang tubig po sa Saluno ay marami po talaga, dahil po malakas ang na-testing doon. Hindi ko po lang masagot ang inyong katanungan kung gaano karami ba talaga ang sinasabing tubig. Ngayon, ang amin pong masasabi lamang ay kung yun po talaga ay gagawan ng paraan na maitaas at isasama pababa ng tubig na galing sa Planeta ay talaga pong maganda ang pressure. Iyon po ay importante para malakas po ang tubig na makarating sa mga bahay-bahay.

Tagapangulo. Ang itinatanong ko po kasi, totoo po, kapag itinaas yun, malakas ang pressure, given na yun, galing po sa taas. Ang pinag-uusapan po ay yung dami o yung sapat na tubig para itaas, ibaba, i-supply po sa Barangay Quinale. Iyon po bang malalaki nilang tubo dito sa may main road, doon sa may amin, sa may J. P. Rizal, pati yung inilatag po ninyo doon sa highway, kaya po kayang kahit kalahati ay makargahan yun, simultaneous?

G. Thomas R. Tapia. Palagay ko po’y kakayanin dahil lumakas nga po ang supply ng tubig mula sa itaas po. Nadagdagan po kaysa doon sa dati na aapat na water spring po.

Tagapangulo. Kung nadagdagan po, bakit hirap pa rin ang tubig ng mga taga-Quinale? Saan napupunta yung sinasabi ninyong naidagdag na tubig kung hindi naman nakakarating sa kasalukuyang linya ng tubig?

G. Thomas R. Tapia. Maaari pong nabawasan ng kaunti doon sa ine-expect natin na dagdag dahil po sa sitwasyon ngayon, tag-init, at maaari pong may inihina ang mga water springs. At ang isa nga po naming hinahanap po ay kung may tubig na nakakawala po mula po doon sa source natin sa itaas ng bundok papunta rito sa Planeta. Dahil yun pong expectation namin na dapat ay ganoon karami ay hindi po nasisiyahan kami doon sa nangyayari. Kaya kami po ay nagsa-survey pa hanggang ngayon po kung mayroong lumalabas na tubig o leak dahil nababawasan ang ine-expect namin na dami ng tubig po na dapat makarating sa Planeta.

Konsehal Anna Pamela R. dela Rosa. Magandang umaga po. Ang pinag-uusapan po natin dito ay Php10 Million worth po na project. Kasi po ang inyo pong lingkod ay naging mag-aaral po ng Public Administration sa UP Diliman. Naging isa po sa mga major subjects namin ay Program/Projects Management po. Pinag-aaralan po diyan yung net present value, cost value, magkano po yung magiging value ng isang project. Gaano po ang itatagal niyan? Gaano po yung pakinabang? ‘Pag po kasi tayo’y gumagawa ng isang project proposal, ang tawag po natin dito sa munisipyo ay Program of Works, para po mas madaling maintindihan. ‘Pag gumagawa po tayo ng Program of Works, minsan po, nasa process po ng pagde-design ng Program of Works, yun pong cost minsan ay mas malaki kaysa po doon sa magiging pakinabang, kung minsan hindi po itinutuloy yung project. Ang alam ko po, kapag may contract, ang contract ay nagbabase po doon sa Program of Works. Ibig sabihin po, before po pumasok sa kontrata, mayroon na pong project design. Nakalagay po doon ang details, ang cost, at doon po may justify yung mabe-benefit doon sa cost po ng project o yung cost-benefit analysis. Kanina po, binanggit po ninyo na dati po ay apat po ang spring?

G. Thomas R. Tapia. Apat po, ni-rehabilitate nga po.

Konsehal Anna Pamela R. dela Rosa. At ini-request po ng Punong-Bayan na dagdagan kaya po nagdagdag po ng 13.

G. Thomas R. Tapia. Opo.

Konsehal Anna Pamela R. dela Rosa. So ibig sabihin po, nagkaroon po ng changes from the original plans na nakalagay sa Program of works.

G. Thomas R. Tapia. Nadagdag po yun sa Program of Works po, yun po yung out of scope works kung tawagin po namin. Hindi po yun kasama sa Program of Works. Additional works po yun.

Konsehal Anna Pamela R. dela Rosa. So ibig sabihin po, nagkakaroon po ng changes from the original Program of Works, yun po yung sinasabi ninyo na out of scope works. So ibig sabihin po, nawawala po tayo sa contract o nakalagay po yun sa Plan B or Plan C ng contract?

G. Thomas R. Tapia. Iyon po naman, nang baguhin po naman yung sitwasyon doon, kami po ay gumawa rin po ng tinatawag na report at yun po ay isinubmit namin sa DOH para doon sa kaukulan po na pagbabago. Kailangan po’y naka-report po iyan sa DOH. Hindi po basta kailangang baguhin po iyan. Iyon po ay aaprubahan ng DOH.

Konsehal Anna Pamela R. dela Rosa. So ibig sabihin po pala, ang isang project po na may kontrata, on the process po ng implementation, basta ni-request ng isa sa mga kliyente ay pwede pong mabago agad?

G. Thomas R. Tapia. Iyon po naman ay with approval ng DOH po. Hindi po pwede na basta po babaguhin na wala pong approval ng DOH na siyang source po ng fund. At yun po naman, nakita po ng DOH, sa paliwanag po naman na yun po ay kinakailangang dagdagan para po sa mas epektibo po na pagsu-supply ng tubig sa Paete, ay yun po naman ay inaprubahan ng DOH.

Konsehal Anna Pamela R. dela Rosa. Follow-up question lang po. Kanina po ay nagtanong ang ating Kgg. na Presiding Officer kung ang mga pagbabago po, ay batay sa atas ng Punong-Bayan, lumalabas po kasi dahil ilang beses po ninyong binanggit na base sa kahilingan ng ating minamahal na Punong-Bayan. So ibig sabihin po, nagkaroon po ng mga pagbabago doon sa original po na Program of Works, na ang pagbabago pong ito ay naging resulta ng naging kahilingan ng ating Kgg. na Punong-Bayan. Kasi kanina po ay nagtanong po ang ating Kgg. na Presiding Officer kung ano-ano ang mga pagbabago lumalabas po ang project na ito ay nagiging design ng ating Punong-Bayan. At ang sabi po ninyo kanina, ang tugon po ninyo sa aming Presiding Officer ay ang naging design lang po ng Kgg. na Punong-Bayan ay yung pagpapataas ng tubig sa may Planeta, yun po ang medyo nare-recall ko kanina. Iyon po yung isinagot ninyo sa kanya. Pero base po sa mga nauna ninyong statement, lumalabas po na hindi po iisang beses na nagkaroon ng kahilingang pagbabago ang ating Kgg. na Punong-Bayan. Alin po ba talaga? Iyon pong una ninyong statement na pagdadagdag ng additional na 13 springs ay kahilingan ng ating Kgg. na Punong-Bayan? O yun pong naging kasagutan ninyo sa ating Presiding Officer kanina na ang kahilingan lang ng Punong-Bayan ay yung pagpapataas po ng tubig? Medyo nako-confused na po kasi ako sa inyong statement. Ang mga katanungan ko po ay base lang sa inyong statement kani-kanina lang. Salamat po.

G. Thomas R. Tapia. Unang-una po, tuwing Monday po ng umaga, ang inyo pong lingkod, ang Engineer po ng munisipyo na si Engr. Noel Viray, ang atin pong Kagawad na si Kagawad Erning Cadawas ng Water District, at ang ating Punong-Bayan po ay nagpupulong po kami tuwing umaga po tungkol po sa project na iyan. Kami po’y nag-uulat ng amin pong ginagawa, kung anong sitwasyon na po ng aming ginagawa o ng project po. Ngayon po, doon po sa pag-aaral, dito po sa pagpupulong namin ay lumalabas po yung ibang problema. Kagaya po ng kung yung tubig ba na nakukuha doon sa apat na water spring na dati na ay sapat o hindi? Dahil kung tayo’y nagre-rehabilitate po ng water system, at ganoon din ang magiging supply, hindi nababago ay para tayong hindi nag-rehabilitate noon. Ang kailangan po natin ay hindi sapat na tubig, mas marami pa kaysa dati. Iyon po ang isa sa mga napag-uusapan namin. At iyan po ay nai-suggest ng ating Punong-Bayan na baka pwede tayong mag-survey pa, at yun naman ay aking sasabihin sa inyo uli na lumaki pa ang tubig na nakukuha. Kami po ay sumasang-ayon doon bagamat yun po ay additional works o out of scope works. Hindi po yun naaayon doon sa aming natanggap na Program of Works. Pero kami po’y sumasang-ayon dahil po ang aming hangarin din ay yung project po ay maging matagumpay. Iyon po ang aming foresight po diyan, na kaya kami po’y gumagawa ay para yun pong tubig na makuha sa atin pong water system dito sa Paete ay maging sapat po.

Tagapangulo. Mayroon po akong ikaklaro. Noon pong simulan yung proyekto, ilan pong spring ang nagsu-supply sa Planeta?

G. Thomas R. Tapia. Tatlo lang po sa itaas ng Planeta. Iyong isa po ay halos wala na po, at yun po ay aming ginawan din ng paraan na ma-rehabilitate. At awa naman po ng Diyos ay na-rehabilitate din po namin yun.

Tagapangulo. So kung yung apat ay dati nang spring, naghanap kayo at nakakita kayo ng 13, at nakita naman ninyo at naiayos na ninyo, at nailagay na ninyo sa Planeta.

G. Thomas R. Tapia. Opo. Iyon pong tubig sa lahat ng spring na iyan ay ginawan po namin ng junction box, na doon po nakakonekta yun pong tubo na nanggagaling sa junction box diretso sa Planeta.

Tagapangulo. So bukod po doon sa apat na dati nang nagsu-supply sa Planeta, nadagdagan ito ng 13.

G. Thomas R. Tapia. Opo.

Tagapangulo. At ngayon ay naroon na sa Planeta?

G. Thomas R. Tapia. Opo. At yung lakas po ng water springs na iyan ay hindi po pare-parehas. Mayroon pong medyo maganda-ganda, mayroon pong mahina-hina. Pero yun po ay, ‘ika nga po ay makakadagdag doon sa supply po ng tubig kaya yun po ay aming ginawa.

Konsehal Emerito B. Gajitos. Siguro po’y hindi pinag-uusapan kung ano yung pagbabago, basta’t naaprubahan po ng DOH, kung sino po yung nagpopondo. Para pong gumagawa ng bahay, kung ano yung gusto ng may-ari, kailangang masunod dahil siya ang gumagastos. At ito po naman ay aprubado ng DOH kung saan nanggagaling yung pondo. Ngayon, ang itatanong ko po, kung halimbawa po ay 100% na matatapos na po itong proyekto, sigurado po ba na masusupply-an at ilan po sa estimate ninyo ang households ang masusupply-an kung matatapos po ang proyektong ito?

G. Thomas R. Tapia. Ang akin pong nakita doon sa supply ng tubig lalo na po doon sa pagkuha ng mga flow rate ng atin pong water system dito sa Paete, ay ang tingin ko po ay sasapat. Maaari po lamang na mayroon tayong leak na sinasabi natin na hindi nakikita kaya hanggang ngayon ay hinahanap po namin. Dahil hindi po kami kuntento sa nagiging resulta ng survey, hindi pa nami-meet yun. Kaya kami hanggang ngayon po ay naghuhukay, kumukuha ng flow rate, at kami po’y naghahanap pa rin po ng posibleng leak na maaaring mayroon po na hindi po namin nakikita hanggang ngayon. Kami po’y nag-iimbestiga pa rin po.

Konsehal Emerito B. Gajitos. Follow-up question lang po. Doon po sa pag-aaral ninyo, mga ilang household po ang pwedeng supply-an kung 100% po na tapos na ang proyekto, na walang leak, wala ng problema, at talagang yung ine-expect po ninyong tubig sa Planeta ay maihahatid natin, doon sa pag-aaral po ninyo, kung mayroon kayo, ilan pong household ang pwedeng supply-an ng supply ng tubig?

G. Thomas R. Tapia. Hindi ko po kayo masagot diyan dahil hindi ko po talaga alam kung hanggang ilan po.

Konsehal Emerito B. Gajitos. Hindi. Bakit nasabi po ninyo na ito po’y kayang i-supply sa buong Quinale kung wala kayong idea kung ilang households ang mahahatiran?

G. Thomas R. Tapia. Ang pinagbasehan ko lang po doon ay kung yun po na tatlo lang halos na water springs ang pinanggagalingan ng tubig ng Paete ay palagay ko po naman, doon sa 13 na napadagdag ay malaki pong tulong para lalo pong maging sapat.

Konsehal Emerito B. Gajitos. Kasi noong nakaraan po, sinasabi ninyo ay aapat o po ang pinagmumulan ng supply. Hindi po lahat sa Quinale ay dumadating po ang tubig. Halos ay wala pong 60% ay nanggagaling po sa Ilaya. Kaya nga po itinatanong ko, ngayon po ang Quinale ay more or less 1,300 households, yun po ang aking gustong masigurado na talaga bang yung 1,300 households ay kayang supply-an o maaaring higit pa roon ang pwede pong makinabang sa tubig?

G. Thomas R. Tapia. Hindi ko po kayo masagot ng husto. Ang akin po lang masasabi, pag natapos na po yung project at lahat po ng tubo ay na-inspection na namin at nasigurado po naming walang leak ay doon po natin masasabi na kung sasapat ba talaga yung naroon po sa ating Planeta na tubig na manggagaling po sa 17 water springs at gayundin po yung narito po sa ibaba, yung Saluno po. Iyon po lang. Salamat po.

Konsehal Emerito B. Gajitos. Isa na lang po, sa huling pagkakataon, kung halimbawa po ay isasarado natin yung distribution ng mga pipes, mga ilang oras po bago mapuno yung ating Planeta doon sa ine-expect po natin na mga tubig na magmumula po sa mga spring box? May estimate na po kayo?

G. Thomas R. Tapia. Mula po sa apat ay hanggang 5 oras po.
Konsehal Emerito B. Gajitos. Salamat po. So kaya pong punuin?

G. Thomas R. Tapia. Opo.

Tagapangulo. Iyon po yung kasama yung Saluno?

G. Thomas R. Tapia. Hindi pa po kasama yung Saluno roon. Iyon lang pong sa 17 water springs sa itaas ng bundok po.

Tagapangulo. So napuno na po ninyo yun.

G. Thomas R. Tapia. Napuno na po.

Tagapangulo. Bakit wala pa ring tubig ang karamihan sa mga taga-Quinale?

G. Thomas R. Tapia. Iyan po ay nang punuin po namin at kami rin po ay nagkaroon ng leak test po sa gabi.

Tagapangulo. Hindi pa mai-supply man lamang habang naghihintay pa kayo ng 3% pagkatapos?

G. Thomas R. Tapia. Mayroon pa po kaming nire-repair na mga tubo na resulta po ng leak test na ginawa po namin, mayroon pa po kaming nire-repair. Kaya hindi pa po namin mabuksan ng husto para po masupply-an ang Quinale.

Tagapangulo. Hindi ko po sinasabi yung tapos ng proyekto. Ang ipinagtataka ko lang po’y yung existing na distribution line, bakit hindi po muna ikarga doon at nang maramdaman naman ng mga taga-Quinale yung proyektong inyong ginagawa. Sayang po yung tubig, kung hindi ninyo maisu-supply doon sa existing na distribution line, saan napupunta yung mga tubig na sinasabi ninyong mapupuno sa limang oras?

G. Thomas R. Tapia. Kakausapin ko po si Kagawad Erning Cadawas kung ano pong dapat gawin tungkol po diyan. Makikipag-coordinate po kami tungkol po sa sinasabi ninyo.

Konsehal Lourdes F. Sunga. Mahal na Tagapangulo, mayroon lamang po akong ilang punto at concern na gustong linawin sa ating panauhin na si G. Thomas Tapia, ang Project Coordinator at kinatawan ng E. A. Saguid Construction, sa proyektong Ligtas Tubig sa Lahat sa ilalim ng Kagawaran sa Kalusugan. Narito po ako bilang miyembro ng Sangguniang Bayan at bilang residente ng Barangay Quinale sa mahigit na apat na taon. Ang una ko pong katanungan ay tungkol doon sa pagbabalita ni Konsehal Eriberto Pascual noong isang linggo na ang nai-released na ng DOH sa Pamahalaang Bayan ay Php4 Million. Pero out of Php4 Million po ay 28% daw po ang natanggap na ng E. A. Saguid Constructions or Php2.8 Million. Ang katanungan ko po noon, yun po bang Php1.2 Million na sobra sa Php2.8 Million ay hindi pa natanggap ng kontratista? Mayroon po ba kayong alam tungkol dito sa sobrang Php1.2 Million?

G. Thomas R. Tapia. Sa totoo po lamang, isang beses po lang pa kami na-release-an ng DOH at hindi ko po masabi sa inyo kung magkano po pero iisa po lamang. Kaya yun nga po, matagal na po kaming, medyo nasa limang buwan na po kaming nagre-request doon sa second tranche para nang sa ganoon po ay kami’y maka-recover din po sa gastos. Wala pa po hanggang ngayon yung second tranche. Kailangan din po ng isang kontratista na habang nakakakumpleto ka ay medyo nakakakolekta ka rin kahit papaano at hindi biro yung mga gastos po, pang-sweldo sa mga tao ay medyo maka-recover-recover po naman kami, lalo po sa mga materyales. Sa totoo po lang ay isang beses po lang kami na-release-an at hindi ko lang po masabi sa inyo kung magkano po at ang natatanggap po namin ay kay Engr. Ernie Saguid po. Pero doon sa second tranche po ay hanggang ngayon po ay wala pa po ay halos 97% na po yung tapos namin.

Konsehal Lourdes F. Sunga. So, Ginoong Tapia, ang ibig pong sabihin, yung 97% na kumpleto na ang proyekto, yun po ay 97% ng Php10 Million worth of project?

G. Thomas R. Tapia. Hindi po kung Php10 Million po yun.

Konsehal Lourdes F. Sunga. Iyon nga po, ang ibig ko pong sabihin, yung entire project ay worth Php10 Million. Yun po bang 97% ay 97% ng 10 Million o 97% ng Php. 4 Million?

G. Thomas R. Tapia. Hindi ko po alam kung magkano yung first release. Ang masasabi ko po lamang, yun pong 1st release, yun po lang ang natanggap ng kumpanya, at kami po ay mayroon pang 2nd request sa second tranche nga po ay hanggang ngayon po ay hindi pa po namin natatanggap yun.

Tagapangulo. Ikaklaro ko lang po yung tanong. Ang tanong po niya, yun po bang sinasabi ninyong 97% na tapos, yun po ba yung para doon sa Php10 Million worth of project?

G. Thomas R. Tapia. Mayroon pa pong natitirang 3% kaya hindi pa po.

Tagapangulo. Ang ibig ko pong sabihin, kasi ang inaalala namin, baka may phase-phase kayong sinasabi. So itong pinag-uusapan natin na 97%, ito ay yung 97% niyong worth na proyekto ng Php10 Million?

G. Thomas R. Tapia. Opo.

Konsehal Lourdes F. Sunga. Pangalawa pong puntos, ayon po kay ex-Councilor Ernesto Cadawas na kasalukuyang Officer-in-Charge ng Waterworks Department, noon pong nakapulong namin siya noong last quarter of 2012, sabi po niya, batay sa flow rate ng tubig sa ating bayan, kaya namang supply-an talaga ang demand sa tubig ng mga mamamayan. Kaya lamang po, yung proyektong manggagaling mula sa DOH ay ipa-prioritize daw po yung paglilipat ng supply mula sa isang barangay patungo doon sa Quinale na magsu-supply sa 250 households. Pero ayon po kay Konsehal Emer Gajitos, 1,300 households ang nasasakupan ng Barangay 4. Kaya hindi ko po maramdaman yung sinasabi ninyo na 97% complete na ang proyekto dahil naging worse pa po ang situation sa aming barangay. Ang dahilan ninyo ay mayroong mga hydro-tests, kaya may time na nawawalan ng tubig at mayroong mga leakages na hindi matukoy. So kung pwede po, yung hydro-tests, ay huwag namang dalasan at yung leakages ay pakihanapan po ng solusyon. Dahil hindi po nauunawaan ng karaniwang mamamayan ng Quinale yung mga technical terms ng mga inhinyero at mga technical persons. Ang alam ko po, katulad ko, nakipaligo po ako kahapon ng umaga sa isang kaibigan ko sa Barangay Ermita para lang maginhawahan lalo na at nag-brownout kahapon. Hindi ko lang alam kung paano nairaraos ng ibang pamilya ang mga problemang ganito sa nakaraang mga araw. Salamat po.

Konsehal Aurelio P. Paraiso. Ako lang po ay may lilinawin sa ating panauhin, dahil sa binabanggit po nila kanina, Tagapangulo, yung 4 spring box ay nadagdagan pa ito ng 13 so bale 17 na po ito sa kasalukuyan.

G. Thomas R. Tapia. Opo.

Konsehal Aurelio P. Paraiso. So yung existing plus 13 means 17 spring box. So yun pong binanggit ninyo, Tagapangulo, na main pipe from Ilaya, yun po ba ay nagsu-supply pa rin ng tubig hanggang sa kasalukuyan? O ito ay na-cut na at ang ginagamit na lang ay itong 17 plus yung sa Saluno?

Tagapangulo. Ang alam ko po’y as is pa rin yun.

Konsehal Aurelio P. Paraiso. So as is pa rin, yung galing Ilaya, ginagamit pa rin. So yun nga po, babalik na naman doon sa puntos na yung 97% po ay tapos na, pag narinig po ito ng pangkaraniwang mamamayan, ine-expect po na dapat ay mayroon na silang tubig. So yung 97%, ano yung covered? Buong Quinale? At yung 3 percent na natitira, yun po ba ang apektado na hanggang sa ngayon ay wala pang tubig?

Tagapangulo. Siguro ang katanungan po ay nasaan na daw po yung tubig?

Konsehal Aurelio P. Paraiso. Dahil sa may katetext lang po sa akin, ni patak po ng tubig ay wala. Ito po ay magkakalapit din sila nina Konsehal Sunga doon sa J. P. Rizal, along J. P. Rizal na mga kabahayan ay wala pong tubig hanggang doon sa baba ng Cajumban St.

G. Thomas R. Tapia. Makikipag-coordinate po ako sa ating Water District ng Paete para po maresolba yung problema diyan.

Tagapangulo. Iyon lang po ang tanong, nasaan na po yung tubig?

G. Thomas R. Tapia. Ang masasabi ko po, ang tubig po ay nandiyan po sa itaas.

Tagapangulo. Pasensiya na po kayo kung medyo maraming katanungan. Maraming salamat po sa inyong pagpunta.

Konsehal Brigido R. Bagayana. Magandang umaga po sa ating lahat. Ang iniisip ko po ay bago po kayo sumali o kaya ay sumama sa kontrata, dagdag po yung detalye ng papasuking mga gamit ng Barangay Quinale ay dapat ay nalalaman ninyo kung gaano kalaking volume ang ginagamit ng Barangay Quinale sa tubig. At pati na rin po yung volume ng deposito na malaki. Sa inyong pagkakaalam, gaano po kalaking volume ng tubig o ilang cubic meters ang ginagamit ng kabuuan ng Barangay Quinale, at kung gaano ang volume ng depositong Planeta? At kung sakali nga po, yun pong 13 na mga bagong water springs na natuklasan ninyo, yun po ba ay sinukat ninyo ang water volume kung gaano kadami at kung sasapat ito sa sustento ng tubig sa deposito? At sabi nga ninyo kanina ay mga 5 oras bago mapuno yung deposito, yung Planeta. Ngayon po ang nakikita ko, yung sa gabi po, siyempre pahinga ang tubig ng mga gumagamit karaniwan, ay kung 5 oras kung tuluy-tuloy po yun, talagang ooverflow po doon sa Planeta dahil siyempre, 5 oras lang, ay kung papahinga ng mga 10 oras. Paano po yung tubig na sosobra kung sakaling ganoon nga po? At yun nga po, kami po ay nag-house-to-house doon sa Quinale doon sa may Ritvit at talagang sinabi na talagang mas hindi maganda ang supply ng tubig ngayon kaysa noong hindi pa nire-rehabilitate. Kaya yun po ang aking katanungan kung napag-aralan po ninyo kung gaano kalaki ang volume ng gamit ng Barangay Quinale at doon po sa isu-supply na tubig ng 13 spring box, at yun pong 4 water springs at yun pong capacity ng depositong Planeta? Kung pwede po naming malaman yun. At ang isa pong nakita ko pa, siyempre may kontrata po iyan at alam po naman nating lahat kung hanggang kailan ang kontrata. Ngayon po, kung sumobra o lumampas na kayo sa kontrata, araw o buwan, ano po ang kasunduan ng inyong kompanya at ng, siguro ang DOH ang kakontrata? Pag lumampas ang due date na hindi mabigat ang kadahilanan ay mayroon pong multa o kaya ay pagbabayad ang kontratista. Ano po ang kasalukuyang estado po ng inyong kontrata sa DOH?

G. Thomas R. Tapia. Tungkol po doon sa nabanggit ninyong water spring, lahat po iyan, kinunan po namin ng mga flow ratee. At yun po’y inoobserbahan namin at pagkatapos mag-survey po ay kinukunan namin ng flow rate. At tinitingnan namin kung talaga pong malinis at tunay na bukal. Hindi po yung kung saan lang galing ang tubig po. At yun po ay matapos po namin kunan ay kinukulong na po namin ng semento at sinisiguro po namin na walang tagas. Ngayon po, tungkol po sa nabanggit ninyo na volume, sa totoo po lang, sa ngayon po ay hindi pa normal dahil undergoing pa po hanggang ngayon ang construction. At yung leak test po ang pinakang-ginagawa po namin sa ngayon kaya malimit po ay talagang naka-off po ang mga valvula natin. Inaasahan din po namin na maging normal po talaga ang supply ng tubig kapag po natapos ang mga hydro-testing na iyan. At masasabi nating complete na complete na po yung project. Pasensiya po at kami’y humihingi po ng paumanhin tungkol po sa supply ng tubig at kami po’y makikipag-coordinate po rin sa ating water system po dito sa Paete tungkol po sa supply ng tubig na pwedeng magawan ng paraan. Pag-uusapan po namin iyan. At tungkol po sa kontrata ay kami po ay lagi pong nakikipagkita o nakikipag-usap at nagre-report sa atin pong DOH na siyang nagbigay ng project tungkol po sa mga extensions. Dahil marami nga pong naging dahilan kaya po na-delay ang atin pong kontrata. Iyon po lamang.

Konsehal Eriberto D. Pascual. Magandang umaga po sa ating lahat. Sa mga oras na ito, alam ko po na ang linya ay wala pa po sa bago. At alam ko po na kayo po ay nasa panahon po ng pagte-testing kung may leak. Alam ko po na yung mga motor ay hindi pa po nakakabit.

G. Thomas R. Tapia. Opo.

Konsehal Eriberto D. Pascual. So noon pong isang linggo ay nagtanong po ako sa Accounting at itinanong ko po kung anong dokumento ang kulang pa para po ma-liquidate yung 1st transche. At sabi nga po ay hinihilingan daw po kayong mag-submit ng material testing.

G. Thomas R. Tapia. Second tranche po yun.

Konsehal Eriberto D. Pascual. So nakapag-submit na po kayo?

G. Thomas R. Tapia. Naibigay na po.

Konsehal Eriberto D. Pascual. Nai-forward na po ninyo sa COA?

G. Thomas R. Tapia. Naibigay na po. Dalawa po yung papeles, yun pong materials testing at yun pong affidavit po.

Konsehal Emerito B. Gajitos. Ang tanong ko po para maliwanag sa ating lahat. Kung halimbawa po na 100% na ang proyekto, hanggang saan po ba? Kasama po ba ang distribution sa bawat household o hindi? Kasi ang alam ko po dito ay distribution pipe lang po ang kasama sa 100%. Iyon pong sa mga household ay hindi po kasama.

G. Thomas R. Tapia. Sa kontrata po namin ay hanggang doon po sa metro. Hanggang doon po lang sa metro, pagpasok po ay hindi na po.

Konsehal Emerito B. Gajitos. Oo nga po. Pag sinabi po nating sa metro, ibig sabihin ay nakaabang na iyan sa mga household.

G. Thomas R. Tapia. Ang water system po ninyo dito sa Paete ang nakakaalam po doon sa pagkokoneksyon po mula doon sa metro hanggang doon sa bahay po.

Konsehal Emerito B. Gajitos. So hindi po 3% ang kulang ng proyekto. Kasi po kung sasabihin po natin na hanggang sa metro ay parang malaki pa po yata kasi napakalaki po ng Quinale para malagyan ng hanggang sa metro.

G. Thomas R. Tapia. Kami po ay nakikipag-coordinate dito sa water system ninyo. Sa totoo po lang, napakarami po raw ng mga illegal connections.

Konsehal Emerito B. Gajitos. Baka po doon napupunta yung tubig?

G. Thomas R. Tapia. Hindi ko lang po masabi, maaaring isa po yun sa dahilan. Napakarami raw pong illegal connections dito sa Paete.

Konsehal Emerito B. Gajitos. Ano po yung pinakamaliit na tubo na inyo pong isasagawa sa project na ito?

G. Thomas R. Tapia. Ang amin pong ii-install na pinakamaliit na tubo po ay yun pong ¾ po.

Konsehal Emerito B. Gajitos. So ¾ po, sa ngayon po ay wala pa po yung tubong yun, yung ¾? Hindi pa po nakalagay?

G. Thomas R. Tapia. Mayroon na po, marami na po kaming nai-install na ¾ po.

Tagapangulo. Saan po kayo naglatag ng ¾?

G. Thomas R. Tapia. Dito po sa may Jorec’s po, at dito sa Bukol.

Tagapangulo. So ibig ko pong sabihin, buong Quinale, Ligtas Tubig ng Quinale, 1,000 kabahayan po iyan. Kaya po ninyong dalhin hanggang sa may metro kung 3% lang ang natitira? Isang libong kabahayan po ang binubuo ng Quinale, hanggang saan po yung sinasabi ninyong hanggang metro ang inyong scope ng kontrata? Kung hanggang saan kayo, ‘period, hanggang dito na lang kami, tapos na kami’?

G. Thomas R. Tapia. Kami po ay nakikipag-coordinate nga po sa water system ninyo rito at siya po yung nagsasabi sa amin na ito yung gawin ninyo.

Tagapangulo. Mga ilang kubiko ang kayang i-produce sa loob ng isang buwan doon sa Planeta? Dapat po’y kabisado ninyo iyan.

G. Thomas R. Tapia. Hindi ko po na-compute.

Tagapangulo. Pwede ko po kayong hintayin para ma-compute iyan. At isa pa, pwede po bang pasyalan natin kasama ang bumubuo ng Sanggunian? Kung anong araw, bibisitahin po namin ang sinasabi ninyong napupuno ng limang oras yung Planeta.

G. Thomas R. Tapia. Sige po.

Tagapangulo. At yun po ba ay na-testing na ninyo na i-motor yung tubig sa Saluno paakyat ng Planeta?

G. Thomas R. Tapia. Naka-schedule po yun, bukas po.

Tagapangulo. So hindi pa.

G. Thomas R. Tapia. Bukas po ang schedule nun.

Tagapangulo. Ni minsan hindi pa ninyo nasusubukan?

G. Thomas R. Tapia. Hindi pa po. Iyon po naman ay madali na pong i-testing yun.

Konsehal Emerito B. Gajitos. Lilinawin ko lang po yung tanong ko. Kasi kung gagawin pong ¾ papunta po sa kuntador, sa metro, kasi dos po yung ginagamit naming tubo papunta po doon sa aming kuntador. Ano po yun, babaguhin, gagawin pong 3/4 ?

G. Thomas R. Tapia. Hindi po. Lumiliit po ang tubo pag sa household connection na po. Linya po yung sinasabi ninyo, linya po yun.

Konsehal Emerito B. Gajitos. Kaya nga po itinatanong ko, yun po bang source na pinagkukunan namin papunta sa aming metro, babaguhin po yun, gagawing ¾? O yun din po ang gagamitin?

G. Thomas R. Tapia. Saan po ba yung kanila?

Konsehal Emerito B. Gajitos. Sa Quinale rin po.

G. Thomas R. Tapia. Ah, sa Quinale rin po.

Tagapangulo. Maganda po, pwede po bang bigyan ninyo kami ng kopya man lang ng plano? Palagay ko’y kaya ninyong i-provide yun. Kung ano po talaga yung planong naka-scope doon sa trabahong yun.

G. Thomas R. Tapia. Iyon pong sa waterworks po.

Tagapangulo. Hindi po, yung sakop ng inyong gagawing trabaho talaga. Wala po kaming kopya. Hindi po namin alam kung anong ginagawa at gagawin ninyo doon.

G. Thomas R. Tapia. Akin pong ire-request kay Engineer Saguid po.

Konsehal Emerito B. Gajitos. Tagapangulo, ang sagot po doon sa tanong ko kung yung source na kinakabitan po namin sa ngayon ay wala pong sagot kung ito’y gagawin pong ¾? Hindi po siya sigurado, hindi siya aware kung ito po ay mangyayari?

G. Thomas R. Tapia. Hindi po. Ang amin po lamang sinusunod po ay yun pong Program of Works at yun pong pakikipag-coordinate namin doon sa Water District po. Iyon po ang aming mga ginawa po.

Konsehal Emerito B. Gajitos. Siguro po, ang mangyayari lang ay yung mga wala pa pong pipes na de-dos, yun lang siguro ang lalagyan ng ¾ para kabitan papunta sa metro?

G. Thomas R. Tapia. Opo.

Konsehal Urbano R. Cadapan. Magandang umaga po sa ating lahat. Akin lang pong liliwanagin yung tanong kasi ang alam ko po ay yung dapat mga kumonekta doon sa kuntador papasok ay ½ lamang ang pipe. Dahil yun pong sa amin, nakakonekta nga doon sa dos pero ½ po yung mula doon sa pipe papunta sa kuntador, at yung lampas sa kuntador. Sabi ninyo’y hanggang ¾ lang po yun.

G. Thomas R. Tapia. Mayroon din pong ½. Kalimitan naman po ang ginagamit pag papasok sa bahay ay ½ lang po.

Konsehal Urbano R. Cadapan. Iyon po ang alam ko dahil pag ¾ po ay napakalaking volume ang papasok doon sa bahay.

G. Thomas R. Tapia. Iyong papasok po sa bahay, yun po ay ½.

Tagapangulo. Mayroon po akong obserbasyon, 2001 po nang gawin o 2000 something ng gawin o 2002, noon pong gawin yung overhead tank doon sa Saluno? Pero hindi po yun kasama doon sa inyong proyekto?

G. Thomas R. Tapia. Hindi po.

Tagapangulo. Ang ibig pong sabihin, doon sa design na gagawin po ninyo doon sa proyekto, ano po yung magiging function nung overhead tank doon sa Saluno?

G. Thomas R. Tapia. Ang pagkakaalam ko po ay hindi po namin babaguhin, as is po yun.

Tagapangulo. So gagamitin pa rin?

G. Thomas R. Tapia. Sa pagkakaalam ko po, gagamitin pa rin po.

Tagapangulo. So kung bobombahin pataas ng Planeta yung tubig na pinagkukunan ng overhead tank samantalang yung supply ng tubig sa ilalim ng overhead tank ay kulang pa sa overhead tank para i-supply sa existing, ang mangyayari po diyan ay sinisipsip pataas. At dumarating ang punto na tigil ba muna at agad na, ay kulang pa rin po. Kaya po ang Quinale, doon sa may portion namin ay scheduling ang ginagawa dahil hindi kayang supply-an ng tubig mula doon sa overhead tank ng Saluno. Kung ito po’y itataas pa natin papunta ng Planeta, saan po kukuha ng supply yung overhead tank?

G. Thomas R. Tapia. Ang mangyayari nga po doon ay yung supply po, manggagaling na sa Planeta.

Tagapangulo. Papaano po yung overhead tank?

G. Thomas R. Tapia. Iyon po ay naroon pa rin at kung sakali pong hindi tumatakbo ang motor dahil alam naman po ninyo na automatic yung pagtigil po, kung sakali po ay doon po magtataas sa overhead tank po.

Tagapangulo. Mayroon pa po akong napansin. Naobserbahan ko na malalaki yung tubong asul sa highway.

G. Thomas R. Tapia. Opo, de-kuwatro po yun.

Tagapangulo. Inilatag ninyo doon sa portion na kung magkakaroon ng widening, nagdalawang linya na dito, matatakpan na yun ng highway. So palagay ko ay wala po naman masyadong susupply-an, de-kuwatro yun. So pag yun po ay natakpan na sa widening, paano po naman ang mangyayari doon? Natakpan na kasi naroon sa bandang gitna ng second lane, yung sidewalk po doon. Pag nag-widening na iyan, 15 meters from gitna sa kabila, pag iyan po’y natakpan na, halimbawa, nagwa-widening na po ngayon, papunta na po ng Famy, iwinidening yung portion na binaunan po ninyo. Paano na po ninyo masusupply-an ng tubig papunta sa bahay-bahay? Wala kayong tanong doon ano, kung kayang kargahan ng tubig? Ako po’y nag-aalala, baka hindi makargahan ng tubig yun. Sayang yung pera, nakabaon lang sa ilalim.

G. Thomas R. Tapia. Ang nasa drawing po kasi, yun nga pong tubo ay doon po ililinya.

Tagapangulo. Sino po ang nag-drawing?

G. Thomas R. Tapia. Galing po yun sa DOH po, ganoon din po kay Engineer Viray.

Tagapangulo. Kung kayo po ang tatanungin, advisable na doon ibaon yung asul na tubo, ay malapit na tayong mag-widening ng highway?

G. Thomas R. Tapia. Wala namang problema po yun kahit doon po ibaon. Kung sakali po namang mayroong problema ay madali lang po namang yung hukayin muli.

Tagapangulo. Hukayin. Bakit po kaya ginawa yun nang hindi pa ninyo alam kung ilan talaga yung total volume ng tubig na kayang i-supply? Naglatag kayo ng maraming tubo, hindi naman ninyo sigurado na kayang kargahan ng tamang tubig yung mga linyang yun.

G. Thomas R. Tapia. Ang expectation po talaga diyan kaya ganoon po kalalaki ang mga tubo ay yun po naman ay mula po doon sa Planeta ay kaya po iyan na malagyan ng tubig. Iyong de-sais at de-kuwatro po, kaya po iyan. Iyan po naman ang magdadala papunta po sa lugar na susupply-an. Pero pagdating po doon sa susupply-an ay maliliit na tubo na po iyan.

Tagapangulo. Kaya po ninyong panagutan na kaya iyan?

G. Thomas R. Tapia. Ayon po doon sa flow rate na amin pong nagawa ay kakayanin po.

Tagapangulo. Ang ibig ko pong sabihin, iyan po’y kontrata ninyo. Kung kaya ninyong panindigan na kaya at hindi po mangyari iyan, sino po ang mananagot kung sinasabi ninyong kaya?

G. Thomas R. Tapia. Ang pinagbasehan po kasi diyan ay yung flow rate po.

Tagapangulo. So pwede po kayong managot na pag hindi natin na-meet yung sinasabi ninyong kaya, ano po ang magiging responsibilidad ng kontratista?

G. Thomas R. Tapia. Sa totoo po lamang, ang amin po ay mag-construct ng kinakailangang mga tubo na dadaluyan po ng tubig ninyo. Iyong tungkol po naman doon sa tubig na nanggagaling po sa mga water spring na iyan ay hindi ko po kayang panagutan na yun po bang tubig na iyan ay talaga bang kayang lahat na supply-an iyan? Hindi ko po kayang siguraduhin ng siguradong-sigurado. Ang pinagbabasehan ko lang po, doon sa flow rate ay kakayanin po.

Tagapangulo. Nasaan po yung flow rate na sinasabi ninyo? Kaya po ba ninyong i-produce ngayon yung flow rate na sinasabi ninyo na nadiyan na?

G. Thomas R. Tapia. Iyon pong flow rate ay naroon po sa Water Systems Office ninyo dahil lagi pong kasama ang mga taga-Waterworks System po sa pagkuha po ng flow rate .

Tagapangulo. So pwede pong mag-schedule tayo ng isang araw para samahan ninyo kami doon sa sinasabi ninyo na malakas na ang tubig sa Planeta?

G. Thomas R. Tapia. Pwede po. Kaya nga po kami ay nagli-leak test, kung mapupuna ninyo ay talaga namang ang tubig po’y napakalakas. Noong isang beses nga po kaming nag-leak test ay nagkaroon po ng leak dito sa may tapat ng malapit po sa may tangke po roon. Ang tubig po nang mag-leak ay abot nga po doon sa 3rd floor ng isang bahay po. Ibig sabihin po’y malakas.

Tagapangulo. Alam po ba ninyo kung bakit lumakas? Kasi pinatay yung tubig doon sa linya. Itinodo ninyo doon sa linya para ma-testing. Ilang araw ninyong hindi binigyan ng supply ang mga taga-Quinale at tetestingin. So yung karga ng tubig, pinuno ninyo, saka ninyo binomba dito sa baba, so malakas talaga.

G. Thomas R. Tapia. Hindi po naman araw po yun, ang pagkakaalam ko po roon ay pinatay po lang ang tubig sa 3 hours lang po.

Tagapangulo. Three hours.

G. Thomas R. Tapia. Opo.

Tagapangulo. Lahat na-concentrate doon sa ginawa ninyong linya?

G. Thomas R. Tapia. Three hours po para mapuno po yun at ma-testing po.

Tagapangulo. Iyon nga po. May video po ako kung papaanong sumagitsit yung inyong mga pinagdudugtong, kung papaanong pumalpak.

G. Thomas R. Tapia. Kinunan ko rin po ng litrato yun.

Tagapangulo. May video po, mayroon po. Mataas po talaga yung pressure kasi ipinorward ninyong lahat doon yung flow ng tubig. Ang tanong ko nga po ay sasapat po ba? Kasi po kilala ko rin po yung mga naghanap ng linya, mga tuberong Paete, yung naghanap ng linya ng bagong source. Sila po’y umamin na talagang palpak. Iyong supply ng tubig ay hindi sapat para doon sa ginagawa ninyong linya. Iyon po ang gusto naming malaman kung bakit inuna ninyong hanapin yung source ng tubig para pagbasehan kung ano sana ang design ng inyong gagawing distribution line.

G. Thomas R. Tapia. Iyong design po ay nanggaling po sa kanila.

Tagapangulo. Iyon nga po, naintindihan ko na. Iyong design ng inyong linya, distribution, kayang supply-an ng tubig simultaneously ng Planeta at ng overhead tank, ng Saluno?

G. Thomas R. Tapia. Ang akin nga lang pong pinagbasehan ay yun pong flow rate. Ngayon, ayon po doon sa flow rate ay kakayanin po.

Tagapangulo. Sino po ang nagbigay sa inyo ng flow rate?

G. Thomas R. Tapia. Iyon pong flow rate diyan, ang kumukuha ay yung mga taga-Water District po.

Tagapangulo. Iyon na nga po ang ibig kong sabihin, mga taga-Water Systems yung nagsabi. So doon kayo nagbase sa impormasyon galing sa Waterworks?

G. Thomas R. Tapia. Opo. At yun pag kami’y nagmi-meeting nga po tuwing Monday po ng umaga ay pinag-uusapan din po namin ang tungkol sa flow rate.

Tagapangulo. Ako po’y magsa-sample sa inyo, kabisado ko po yung Planeta. Dati po iyan, yung dating linya ng tubig ng Planeta, ikinakarga po sa Planeta yung galing sa bundok. Dahil po yung sa bundok, inilalagay sa Planeta, hindi naman napupuno, bumabagal, humihina ang pressure dahil 1:1. So kung ang tubig po ay mula sa bundok, ilalagay doon sa Planeta,mawawala yung pressure kasi 1:1. Ang ginawang sistema, yung linya ng tubig mula sa bundok, inirekta na sa tubo. Hindi na pinadaan sa Planeta. Napakalakas po ng pressure.

G. Thomas R. Tapia. Nakita ko nga po yun na nakarekta po.

Tagapangulo. Galing sa bundok. Ngayon, kung ilalagay ninyo sa Planeta ang tubig at hindi naman ninyo magagawan ng paraan na mapuno o mapangalahati yung tubig sa Planeta para magkaroon ng bigat at yung pressure ay bumulusok, anong pressure po ang mangyayari doon?

G. Thomas R. Tapia. Ang tubig po na napupunta sa Planeta ay doon po sa may ibaba.

Tagapangulo. Ibig ko pong sabihin, kung 1,000 kabahayan po ang Quinale, i-minimum na lang natin na 20 kubiko isang buwan. Napakatipid na niyon, bawat isang kabahayan. Twenty thousand cubic ang kailangan, konsumo ng taga-Quinale sa loob ng isang buwan. Kung ito po’y bababa doon, minimum na po yun ha, lampas pa. Mag-aaverage tayo ng mga hindi lang 20, mga 30 to 40 kubiko po ng tubig iyan buwan-buwan. Minimum pa lang yung 20. Kaya po bang i-produce yun isang buwan? Iyong 20,000 kubiko?

G. Thomas R. Tapia. Hindi ko po kayo masagot diyan kung kakayanin po.

Konsehal Emerito B. Gajitos. Paki-correct lang po ako kung mali. Pag natapos na po itong inyong proyekto, ito po’y iinspeksyunin pa ng DOH bago po makubra yung kabuuan ng amount ng proyekto?

G. Thomas R. Tapia. Ii-inspection po.

Konsehal Emerito B. Gajitos. So ibig pong sabihin, kung hindi po katanggap-tanggap sa DOH, hindi po kayo babayaran?

G. Thomas R. Tapia. Opo, ganoon po. Kung sila po ay hindi kuntento doon sa mga nagawa namin ay hindi po talaga.

Konsehal Emerito B. Gajitos. Iyon po kasi ang pagkakaalam ko, para nga pong nagpapagawa ng bahay na kontrata ninyo, hindi ko kursunada ang pagkakagawa ay hindi kita babayaran.

G. Thomas R. Tapia. Opo.

Tagapangulo. So maaari pong yun ang dahilan kung bakit nadi-delay yung pagbabayad ng balance? Hindi kuntento o kumbinsido ang DOH doon sa naging trabaho?

G. Thomas R. Tapia. Hindi po naman. Kagaya po ng nabanggit kanina ni Konsehal Pascual ay mayroon pa pong kailangang mga papeles.

Tagapangulo. Ano po yung original na kontrata? At anong buwan po sinimulan?

G. Thomas R. Tapia. Nag-umpisa po kami ay mga Abril po.
Tagapangulo. Ng last year?

G. Thomas R. Tapia. Opo.

Tagapangulo. Tapos yung original date na dapat matapos base doon sa original na kontrata?

G. Thomas R. Tapia. Ang alam ko po mga October.

Tagapangulo. October ng 2012. So October, November, December, January, February, March, April, so 6 months na po na delayed doon sa original na kontrata.

G. Thomas R. Tapia. Mayroon po naman kaming request at nabigyan po naman namin ng tamang rason kaya po pinagbigyan naman ng DOH.

Tagapangulo. Kasi mayroon po akong naririnig na ultimong mga taga-DOH ay nagtataka at hindi pa matapos-tapos yung proyekto. Pasensiya na po, medyo sinasamantala lang po namin ang pagkakataon.

Konsehal Anna Pamela R. dela Rosa. Pasensiya na po. Marami na po kasi dapat nararating ang halagang Php10 Million. Naalala ko po tuloy noong ako’y estudyante pa. Siguro po’y hindi lang may dalawang beses na bumalik sa amin yung amin pong paper tungkol sa isang Program of Works kasi po lagi pong nagiging katapusan, yun pong halaga ng proposal ay hindi po sulit doon sa magiging resulta. So ipinapayo po sa amin ng Prof, naisip ko lang po, ang kaibahan po ay hindi po 1.00 at 1.5 na grade ang nakasalalay dito. Unang-una, Php10 Milyong halaga po yung ilalabas, at pangalawa, yung sakripisyo po ng mga kababayan namin sa Quinale na alam po ni Konsehal Lourdes Sunga kung gaano katagal na po na may problema po sa tubig. Hindi na po basta-basta grade lang ng isang estudyante para sa isang Project Management Subject. Kasi ang alam ko nga po talaga, pag gumagawa ng isang ganito kalaking programa, kaya nga po siguro pinag-aralan namin kasi nga po, mahalaga ang bawat piso na lumalabas sa gobyerno, nalilito po kasi ako noong tinatanong kayo ng aming Pangalawang Punong-Bayan kung hindi po naging matagumpay ang project na ito, sino po ang mananagot? Ang sabi po ninyo, ang E. A. Saguid Construction ay nagko-construct po lamang. Ibig sabihin po, hindi po sa inyo galing ang Program of Works?

G. Thomas R. Tapia. Opo. Ang Program of Works po talaga ay ang DOH po ang nagbibigay.

Konsehal Anna Pamela R. dela Rosa. Sa DOH po? So kung magkakaroon po ng mga pagbabago, ito po ay, yung sinabi po ninyo kanina, halimbawa po, nagkaroon po ng proposal ang aming Water Superintendent dahil ito po yung base sa kanyang observation. Hindi ba po may plano po, nagkaroon ng pagbabago kasi po yung unang plano ay wala pong tubig na maibibigay. Kahilingan na lang po kasi po kung ang E. A. Saguid po ay nasa technical aspect o nasa construction or implementation ay medyo magmumukha po kayong kaawa-awa dahil katulad po ng nangyayari ngayong umaga, kayo po ang nagko-construct, kayo po ang sumasalo ng lahat ng mga katanungan namin. Kaya lang po, pag wala naman po kayo, kami naman pong nanunungkulan sa bayan, kami naman po ang sumasalo ng mga katanungan ng aming mga kababayan. Kaya po sana, naiintindihan po ninyo kung bakit kami ay nagtatanong sa inyo. Ito po ay para po kapag kami naman po ay humarap sa aming mga kababayan, mayroon naman po kaming maipaliwanag dahil katungkulan naman po namin na ang mga proyektong nagaganap po dito sa bayan namin, lalo po at nakakaantala sa araw-araw na pamumuhay ng aming mga kababayan ay responsibilidad at pananagutan po namin sa kanila. Ang mungkahi ko lang po sa ating panauhin, maaari po ba na mula po doon sa kauna-unahang Program of Works at base po doon sa mga naging development na nagkaroon po ng mga changes, na ang sabi po ninyo, hindi naman isasagawa yung mga pagbabago kung walang kaukulang permiso sa Department of Health na siyang implementing agency ng program po na ito. Maaari po bang mag-provide po kayo sa Sangguniang ito, sa pamamagitan po ng aming Secretary ng lahat po ng kaukulang dokumento. Kahit po hindi na po muna yung financial, okay lang po yun, ang sa akin lang po ay yung mga naging development po, medyo labas na po kami sa pondo naman po ay manggagaling sa Department of Health at medyo labas po kami doon, hindi po apektado ang lokal na pondo. Ang hinihiling po namin, paki-provide po kami ng dokumento mula sa original po na Program of Works, tapos po yung mga naging pagbabago para naman po maipaliwanag namin sa ating mga kababayan kung bakit po naging ganito katagal yung pagkaantala po ng programa. At kung bakit po nagkaroon ng kumbaga nga po ay kaunting palya. Kasi po katulad po ng itinatanong namin sa inyo kanina na kung naka-100% po ba tayo ng construction, ang sinasabi po ninyo kasi ay 97% ay sa construction batay doon sa mga naging plano, pag po ba tayo’y naka-100% ang itinatanong po sa inyo, ano po yung assurance na after po ng 100% na construction ay magkakaroon ng tubig na hindi po ninyo masagot. So maaari pong sa pamamagitan ng mga supporting documents, kung dumating po sa punto na after ng 100% na construction, hindi po natin ma-meet o hindi po naging ganoon ka-successful ang pagbibigay ng tubig sa mga kababayan, at least po, mayroon tayong mga pinanghahawakang papel kung bakit po naging ganito ang resulta. So hihintayin po namin sa tanggapan po ng Sangguniang Bayan yung mga Program of Works, yun pong mga naging pagbabago, at yun pong mga figures para po alam ng mga kababayan namin na ang E. A. Saguid Construction po ay hindi po naman nagpabaya sa kanilang kontrata. Salamat po.

G. Thomas R. Tapia. Opo.

Tagapangulo. Ito po’y naka-headline doon sa aking Facebook account. Ito po siguro yung Planet
Back to top
View user's profile Send private message AIM Address Yahoo Messenger MSN Messenger
Display posts from previous:   
Post new topic   Reply to topic   printer-friendly view    USAP PAETE Forum Index -> Balitang Paete - Sangguniang Bayan All times are GMT - 5 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum


Powered by phpBB © 2001, 2005 phpBB Group