USAP PAETE

[vernavarro]

Nagda-raan sa harap ng tindahan,
halos ilang beses libutan ko,
Makita kalang kahit buhok mo lang,
araw ko'y sapat at tamang bilang.

Paulit-ulit sa isang araw,
lalo na kung gabi at bukas pa.
dahil ikaw ang tao sa baraka,
sigurado akong makikita ka.

Masilayan ka lamang mahal ko,
masaya na ako at kontento.
Hindi na aburido sa maghapong pagod ko,
sa kayud trabaho at palibot-libot sa inyo.

by:vergs47---- will continue next..... :

[vernavarro]

Kilala mo ako aking mahal,
nakikita mo gabi't araw.
magkalapit sa upuan,
noong panahon nagdaan.

Pakinggan mo ngayon na lang,
mga bulong ko sa kawalan.
Dahil sa akoy walang bigkas lakas,
na magbitaw sa pag-ibig noong araw.

Mahal parin kita akin sinta,
hanggang ngayon sinasamba.
Panaginip ko'y inilalarawan ka.
makinis mong kamay hinahagkan ko pa.

by:verga47 itutuloy next

[Guest]

wow mukhang me itinagong damdamin ah na di nailabas , bai na Gleng Gleng (Galing Galing ) parang dumidiga at inaalala ang kahapon, magaling na Ice Carver na Makata pa.

[vernavarro]

Sana akoy tulutan mo,
dumampi sa mga bisig mo.
Maramdaman mo mga init ko,
pagmamahal ay tanging sa iyo.

Sana ay payagan mo ako,
lumapit sa harapan mo.
Yakapin ka ng mga bisig ko,
maramdaman ang pag-ibig ko.

Pangarap---ko noong araw pa,
hilingin sana sa iyo at halikan ka.
sa mga labi mong mala-makopa,
na kaytamis-tamis ang mga lasa.

by:vergs47 (lV)

[net_feldmann]

Mang Ver,

Sino po kaya yun, ako tuloy ay naiintriga , parang talagang wagas at dalisay ang inyong pagsuyo at pagsinta

Nenett

[vernavarro]

Saan ka man naroon sinta,
ang isip koy walang alintana.
Ikaw pa rin sa konsensiya,
pag-ibig ko sa iyo'y di ma-aaksaya.

Malayo ka-man sa akin sinta,
sa puso ko'y malapit kapa.
Larawan mo'y guni-guning lagi na,
sa gabi't araw'y gunita ka sinta.

Makinig ka sana aking mahal,
saan man dako ka nakalagay.
Ang puso koy naghihintay,
Sa tugon na aking ina-antay.

by:vergs47 #(V)

[vernavarro]

Di mo man alam hangarin ko noon,
lihim na pagsuyo ko noong kahapon.
Nag-iingat matuklasan mo ngayon,
ang pag-ibig ko sa iyo'y habang panahon.

Magkalapit lang tayo,
at magka-usap lagi kamo.
Umi-indayug ang puso ko,
umaawit humuhuni parang pito.

Mga ngiting sakdal sigla,
puso ko'y laging masaya.
Lalo na sa sulyap mo pa,
sa akin'y ibinaling mo sinta.

by:vergs47 (Vl) is next:

[vernavarro]

Kung sakaling malaman mo,
ako pala ang talisuyo mo.
Patawarin mo mahal ko,
naglakas loob lang ako.

Simula noon hanggang ngayon,
pinag-isipang ipahayon.
Pag-ibig na sakdal banal,
sa iyo lamang aking mahal.

Huli ma't matanda na rin,
Huwag na wag na di pansin,
Ako'y umiibig parin mandin,
sa sinta ko'y patawarin.

by:vergs47 #Vll

[vernavarro]

Sulat kamay ko lang ang gabay,
malaman mo lang aking pakay.
Pag-ibig ko mandi'y ini-aalay,
sa sinasambang reynang ina-antay.

Maiksing panahong nalalabi nito,
kailangang ipa-alam at i-abiso.
Kahit ngayon ay di na nagso-solo,
sa buhay mo ngayon sa mundo.

Magtiti-is maghihintay parin ako mahal,
matutuklasan mo rin ako balang araw.
Lihim natalisuyong nagmamahal sakdal,
nakikimi't nagdurusa noon pa.

by:vergs47 #Vlll next

[vernavarro]

Pagkatandaan lamang aking sinta,
pag-ibig koy busilak at makulay na ganda.
Sa iyo lang naka-panata,
hanggang may hiningang natitira.

Hindi man makita't maka-usap,
Kahit sa pangarap ay magka-usap.
Sa langit ay magtagpo at magkayakap.
lugod at saya ng puso kong may hinagap.

Buhay ko man ay bawiin na,
ng maykapal at tadhana.
Tandaan mo lang aking mahal,
kamatayan lang ha-hadlang sagabal.

by:vergs47 # lX final

[vernavarro]

Tatapusin ko na aking latha,
palihim ni talisuyong katha.
Huwag mo sana itong ibabali-wala,
dahil itoy tunay na haka-haka.

Pinagtabi-tabi kong salita,
para mabu-ong talatang tula.
Para mabasa ninyo madla,
aking tulang umiibig sa diwata.

Salamat po sa inyong mga tiyaga,
sa lihim na talisuyong kinathang haka.
Ang puso sa dib-dib ko'y lumuwag kusa,
sa salaysay kong lathang patula.

by:vergs47 Thank you all

[nievesb]

mang ver;sabi ko na ehhh..kaya kamagaling may pagsintang purorottt ka rin hahahaha.....kaya pala magaling.swerte namn ng girl na yon at until now sya pa rin grabeee...i'm sure mukhang diwata ng kagandahan yon no!!!oh sya sabihin nyo na at ng maka habol sa last trip...mahirap mag pigilw kala nyo!!!!hahaha biro lang .sayang lahi natin abbbbaaaa....more pls....
neth

[vernavarro]

[eve19612000]

ih baina! ako talaga'y napa iling
ano baga't tinutukoy mo'y binitin
huwag kang mag intay umasim
sus! baka naman suka'y magti-in

hahahahahakablag! muzta na kuya Ver...
_________________
NEIN, ich irre mich nie! Einmal dachte ich, ich hätte mich geirrt, aber da habe ich mich getäuscht...-sheba-

[alimpuyo]

ABA!! KLASMEYT,MAY KABIG-ATAN NGA YAN
HUWAG PAKA DIBDIBIN
BAKA TUBUAN NG KUNG ANO SA KATAWAN
PAGSUYONG NILUMOT NG PANAHONG NAGDAAN
KAHANGA-HANGA, NILUMOT MAY LAGING BUHAY

naala-ala ko tuloy yun sinasabi mong kinahihiyaan mo...SIYA BAGA
_________________
Norie Almeda Balquiedra
Parents Name: Teofilo Afuang Balquiedra and Cecilia Fadul Almeda

[vernavarro]

[quote ;BAKA TUBUAN NG KUNG ANO SA KATAWAN
PAGSUYONG NILUMOT NG PANAHONG NAGDAAN
[/quote]

Hindi ipagkaka-ila may tumubo mat napapanot pa,
sa katawan ay may nararamdaman pa.
Pero ang ini-isip at mga titik diwa ng aking kinakatha,
ay parang pusong bata sumasamabit ng patula.

Basahin ninyo ito at sambit-sambitin pa kamo,
ang unday ng titik ay may laman ng pag-ibig.
Hindi lang sa akin dumaan at baka sa inyo rin,
Nagdaang panahon pinipilit lang limutin.

Balikan ko ang nagdaan biglang naglulumbay,
napapangiti naman kay saya talaga noong kabataan.
Di ko na maibabalik kahapong nawaglit,
pero may bakas ng kasayahang walang katapusan
_________________
Walk a mile or two,its good for your health & your heart,eat proper diet a day our life live longer and be happy always.

[Ludy]

Grabe ka palang umibig...sunod sunod ang katha mo dito ah...hahahhakablag! Baka yung lumot ay magkulay dilaw na.
_________________
Psalm 139:9 - "If I take the wings of the morning and settle at the farthest limits of the sea, even there your hand shall lead me, and your right hand shall hold me fast."

[VerNav]

[vernavarro]