 |
USAP PAETE Discussion Forums for the people of Paete, Laguna, Philippines
|
View previous topic :: View next topic |
Author |
Message |
benyd

Joined: 10 Jul 2005 Posts: 344 Location: Alexandria, VA
|
Posted: Sat Jun 10, 2006 5:53 pm Post subject: INAKAY NI TONYO, LUMILIPAD NA! |
|
|
heto na ngayon, mapanglaw na pugad
wala na ang dating 3 itlog na natambad
nang naging inakay, lumakas ang pakpak
unti-unting binaybay, kapaligirang malawak
kung mamasdang mabuti ang iniwang pugad
merong katanungang sa isip ay bubungad
magulang na ibon, gamit ang tukang taglay
matibay nilang bahay, nalala ng buong husay.
aba ay si bunsoy, narito lang pala
naiwang nakahapon, mga kaka ay wala na!
parang nagiisip, aking ina, ano na?
me dalawang usyosong kanina pa nakanganga .
ulo ay ikinubli sa likod ng dahon
camera shy yata, o pa-effect lamang iyon
hindi umaalis kung saan nakahapon
pahiwatig, i mind my own business, mind your own.
kamay ni tonyo ang may hawak dito
na hindi nakapigil sa ka-cute-tan nito
kaya nakodakan ng closer shot ito
at naipakilala sa inyo ng husto.
sa pagkakahawak, ito ay kumalas
lumipad sa ibaba, patuloy na umiwas
lakad, lukso muna, mahina pa ang pakpak
inalalayang manabi, baka me makatapak.
parang me kababawan ang aking tinalakay
mula sa itlog na ngayon nga'y inakay
ngunit kung iisipin ganito rin ating buhay
ating pasimula ay kapara rin ng inakay. _________________ To God be the glory! |
|
Back to top |
|
 |
nievesb

Joined: 12 Jul 2005 Posts: 671 Location: Nieves Agbada Bagalso
|
Posted: Sat Jun 10, 2006 9:19 pm Post subject: |
|
|
Woww ang galing naman ng insan ko aba!!Talagang nasubaybayan ang pag laki ng inakay.Sanay manatili sya dyan at maging maamo.kumusta na lang uli sa inyong lahat.
Insan Neth |
|
Back to top |
|
 |
net_feldmann Forum Moderator

Joined: 11 Jul 2005 Posts: 1182 Location: Nenett Bagalso
|
Posted: Sat Jun 10, 2006 10:15 pm Post subject: ang cute |
|
|
ang cute naman ng inakay, pag nakita ng 2 kong anak na lalaki yan ay hihingin yan :
nenett _________________ nenett- felman bagalso |
|
Back to top |
|
 |
eboytons

Joined: 13 Jul 2005 Posts: 285 Location: Antonio F. Dalagan
|
Posted: Sun Jun 11, 2006 5:34 am Post subject: Layasan ay Palayan! |
|
|
Naalala ko noong aking kamusmusan,
Palayan sa Paete, siyang aking layasan,
Nanghuhuli ng ibon sa damo at gulayan,
Bunga ni "Amang Dios" sa kanyang kapangyarihan.
Ngayo'y ako'y matanda na at ako'y natutuwa
( di naman katandaan..lol)
Kapaligiran naman dito ay alagang-alaga,
Di pinababayaan bagkus pinagyayaman tuwina,
Handog nitong bansa sa darating pang balana.
Mga kababayan sa Paete, napakayaman ng ating bayan
sa mga magagandang tanawin..like wawa, tatlong krus atb..sana
ating ingatan at pag-yamanin..( huwag pabayaan mag-tae ang mga
aso sa kalye)...para sa ating mga anak, apo at bagong henerasyon.
Salamat sa pagtangkilik ninyo sa aming tula at litratong naka-
yanan...benytons
|
|
Back to top |
|
 |
vermad

Joined: 07 Jul 2005 Posts: 1181 Location: Jersey City, NJ, USA
|
Posted: Sun Jun 11, 2006 9:06 am Post subject: Bird in a Nest |
|
|
Tony and Beny: Thanks for the beautiful pictures of the bird. Parang kawawa naman ang mukha noong inakay! Basa ba? Like in basang sisiw?
Sangayon ako sa iyo, Tony. Noong huli kong uwi ko lamang na-appreciate ang magagandang tanawin na Paete, lalo na sa Wawa at sa Tatlong Kurus. Subalit katulad ng sabi mo ang mga ito ay dapat pangalagaan para sa susunod na saling-lahi. _________________ Virgil G. Madrinan
Quot capita tot sententiae |
|
Back to top |
|
 |
eboytons

Joined: 13 Jul 2005 Posts: 285 Location: Antonio F. Dalagan
|
Posted: Sun Jun 11, 2006 1:42 pm Post subject: Re: Kawawang Inakay |
|
|
Kami nga'y naaawa, inakay na nagiisa na,
Wala na ang mga kapatid na kasama niya,
Siguro'y siya si bunso na siyang kawawa,
Di na niya alam kung saan siya pupunta.
Kaya nga ito ay aming kinandili,
Kinuhang dahan dahan at pinagbuti,
Ni hindi pumiglas bagkus nanimbang mabuti,
Upang subukan niyang makalipad na maigi.
( hindi na siya basang sisiw )
Subalit paglipad niya, di pa rin nakayanan,
Bagsak sa kalsada at naglundag-lundagan,
Hinabol ni Benita para upang siya'y giyahan,
Hanggang maayos makarating doon sa damuhan.
Inahing may tukang pagkain para sa bunso niya,
Agad agad at pagdakay sinalubong siya,
Sinubuan ng bulate na kanyang dala- dala,
Upang lumakas muli at makaalalay sa kanya.
Itutuloy......kung gaano katalino ang Ibong Orioles! BOW!
Susunod ang Ibong CARDINALS...he he he maghahanap
pa ng pugad doon sa kahuyan..kakatuwa dito, pati rabbit
ang dami dito....pero nakakaiyamot yun mga squirell...
Salamat for reading our poem...kahirap maghabi ng tugmang
huling salita sa bawat linya....
benytons |
|
Back to top |
|
 |
amork

Joined: 07 Jul 2005 Posts: 761 Location: Amor Kagahastian
|
Posted: Sun Jun 11, 2006 10:25 pm Post subject: |
|
|
nakatutuwa naman ang ginagawa ninyong pag-aalaga sa ibon.
God really works in mysterious ways, as seen in the life of that bird.
Noong ako'y bata pa ang unang kaingin sa likod ng bahay ni nana mary ang aming laruan. kabisado ko ang mga puno roon na aming inaakyat. at may inaalagaan din kaming mga inakay doon sa puno ng mangga gawa nang ang inahin ay tinirador ng mga batang makulit. kaya naka-relate ako sa inyong ginagawa ngayon.
pero ngayon, ang mga kaingin ay mga bahayan na kaya ang mga kabataan ay tila wala nang mga karanasan na may kaugnayan sa kalikasan tulad ng mga ibon, isda at halaman. tama baga ang obserbasyon ko?
dito sa cavite kung saan ay industrial area, may mga batang hindi pa nakakakita ng kalabaw. mabuti yong sa agricultural area, may ilan pa ring kalabaw bagaman at karamihan ay makina na rin ang ginagamit. kokonti rin ang nakikita kong ibon, paruparo at tutubi rito sa cavite.
rgrds,
ka amor |
|
Back to top |
|
 |
benyd

Joined: 10 Jul 2005 Posts: 344 Location: Alexandria, VA
|
Posted: Mon Jun 12, 2006 7:54 am Post subject: re:inakay ni tonyo.... |
|
|
nievesb,
aking nakatuwaan dahil sa kaamuan
hindi man lang nabulabog ng aming lapitan
nainis nga lamang ng aming pakialaman
lumundag sa kalye at kami ay iniwan.
nenett f,
dito sa aming paligid
ang daming umaaligid
makapal na kakahuyan
kanilang naging tahanan....
vermad,
parang basang sisiw dahil may kaliitan
pagbaba ng kalye ay naglakad na lamang
lumulundag-lundag, tamad panglumipad
dahil mahina pa ang kanyang mga pakpak.
kang amor,
ang ating naranasang romansa sa kalikasan
naging napakailap dito sa kabataan
itong mga pamankin ko'y di na naranasan
pag-ahon sa bundok tulad ng ating kabataan.
punong namumunga ating mga kilala
at inaabatan ang kapanahunan nila
pagpuputi ng lansones, laglag inaabangan
na nagbuhat sa puno pati na rin sa hugusan.
sa aking kinalalagyang lugar sa kasalukuyan
aking napansin, mga ibon may kaamuan
isang metrong distansya, iisnabin ka laang
kung anong ginagawa, itutuloy na lamang. _________________ To God be the glory! |
|
Back to top |
|
 |
Glo

Joined: 07 Jul 2005 Posts: 235 Location: Gloria Basa Caguin
|
Posted: Thu Jun 15, 2006 9:30 am Post subject: Re: re:inakay ni tonyo.... |
|
|
benyd wrote: |
sa aking kinalalagyang lugar sa kasalukuyan
aking napansin, mga ibon may kaamuan
isang metrong distansya, iisnabin ka laang
kung anong ginagawa, itutuloy na lamang. |
Hello Beny in the State for Lovers,
I have a question ......
Why do birds suddenly appear...
http://marshasgraphics.com/Closetoyou.html
just like me, they long to be...close to you...
(yep, am singing heheheh...Thanks for your help.
Paki follow-up na laang para ma-distribute sa inyo
PI SoCal Fiesta Raffle tickets hane? ...Salamat po ng marami...)
on the day that U were born, the Angels got together... _________________ ***********************
Gloria Dalay Basa Caguin
Los Angeles, California |
|
Back to top |
|
 |
benyd

Joined: 10 Jul 2005 Posts: 344 Location: Alexandria, VA
|
Posted: Thu Jun 15, 2006 1:57 pm Post subject: walang anuman |
|
|
Wala pong anuman, Miss Glow of LA
Basta me maitutulong, sabihan mo lang
Kalakip na music, aking naibigan
Dahil ito'y sumikat sa aking kapanahunan. _________________ To God be the glory! |
|
Back to top |
|
 |
amor kagahastian Guest
|
Posted: Thu Jun 15, 2006 10:02 pm Post subject: inakay |
|
|
dear benny and tony,
tatlong araw nang may inaalagaang inakay itong mga apo ko rito sa tanza. yon daw kalaro nila ay kinuha ang inakay sa pugad doon sa kabilang barangay. pagkatapos magsawa ay ipinamigay dito sa apo ko.
inilagay nila sa kahon na may basahan at doon ay pinakakain ng kanin, atbp. sa tingin ko ay lumalakas naman. kaso narito rin sa loob ng bahay gawa nang pag inilabas namin ay mga pusang lampong naman ang humahanting. kapag daw gutom ay may sound pag naman nabusog na kahit anong duldol sa tuka ng pagkain ay talagang ayaw na.
natutuwa ako dahil may malasakit sa hayop itong mga apo ko.
rgrds,
ka amor |
|
Back to top |
|
 |
Emman of Davao Guest
|
Posted: Fri Jun 16, 2006 2:20 am Post subject: Ibon ay Bahagi ng Karanasan |
|
|
Pananaw sa Ibon nung ako ay bata pa ay iba
Isa lamang itong bagay na walang halaga
Bitbit ang tirador sa mga punuan at palayan ang punta
Mga kawawang Ibon ang siyang puntirya
Tumanda ng kunti hanggang magbinata
Pagtrato sa Ibon di pa rin nag-iba
Meron ngang nabago pero yon ay sandata
Sa halip na tirador, ay ripleng di bomba
Pero maruning ding gumanti itong Kalikasan
Dahil isang umaga ay aking nagisnan
Aking kaliwang mata namamaga hilam na hilam
Sa luha at muta sa di malamang dahilan
Pati manggagamot, sya ay nagtataka
Bakit di mawala, maga at pula ng aking mata
Mag-iisang buwan na pagbabago ay di makita
Napakasakit, napakabigat ang ganting parusa
Buti na lang at mayroong isang kamag-anakan
Nagmungkahing Albularyo bakit di subukan
At nang akoy kanyang suriin at tingnan
Sa tawas lumabas Ibon ang dahilan
Parang himala pagkatapos ng gamutan
Pula at maga nawala agad kinabukasan
Mula noon akin ng tinigilan
Paglapastangan sa Ibon at Inang Kalikasan
Ang kuwentong ito,tunay na karanasan
Na kung sa iba nangyari di ko paniniwalaan
Kaya ang payo ko lagi sa kabataan
Hayop at Kalikasan laging pag-ingatan |
|
Back to top |
|
 |
guest_emman Guest
|
Posted: Fri Jun 16, 2006 8:49 pm Post subject: Karanasan sa Ibon |
|
|
Pananaw sa Ibon nung ako ay bata pa ay iba
Isa lamang itong bagay na walang halaga
Bitbit ang tirador sa mga punuan at palayan ang punta
Ang kawawang mga Ibon ang siyang puntirya
Tumanda ng konti hanggang magbinata
Pagtrato sa Ibon di pa rin nag-iba
Meron ding nabago pero yon ay sandata
Sa halip na tirador ngayon ay ripleng de bomba
Pero marunong ding gumanti itong kalikasan
Dahil isang umaga ay aking nagisnan
Aking kaliwang mata namamaga hilam na hilam
Sa luha at muta sa di malamang dahilan
Pati manggagamot silay nagtataka
Bakit di mawala maga at pula ng aking mata
Mag-iisang buwan na pagbabago ay di makita
Napakasakit, napakabigat ang ganting parusa
Buti na lang mayroong isang kamag-anakan
Nagmungkahing albularyo bakit di subukan
At ng akoy kanyang suriin at tingnan
Sa tawas lumabas Ibon ang dahilan
Parang himala pagkatapos ng gamutan
Muta at maga nawala agad kinabukasan
Mula noon ay akin ng tinigilan
Paglapastangan sa Ibon at inang kalikasan
Ang kuwentong ito, tunay kong karanasan
Na kung sa iba nangyari di ko paniniwalaan
Kaya ang payo ko lagi sa mga kabataan
Hayop at kalikasan laging pag-ingatan
|
|
Back to top |
|
 |
amork

Joined: 07 Jul 2005 Posts: 761 Location: Amor Kagahastian
|
Posted: Sun Jun 18, 2006 9:13 pm Post subject: |
|
|
beny at tony,
ipinakita ko sa 3 apo ko rito sa cavite itong pics ng ibon at sila'y tuwang-tuwa. several days after, yong isang playmate nila ay pinakialaman ang pugad sa puno na nakita niya sa kabilang barangay. dinala rito sa amin ang kawawang inakay. inalagaan nitong mga apo kahit sa kahon ng sapatos na may basahan lamang. matiyaga nilang pinakakain at pinaiinom. hindi namn mailabas ng bahay gawa ng mga pusang lampong naman ang tiyak na papatay dito.
ngayon, medyo malaki na ang inakay na may pangalang "Naki". usbong na ang pakpak at buntot at makapal na ang balahibo. kahapon ay nagpunta kami sa cabuyao para makipaglibing, dala-dala rin nila yong kahon dahil pag daw iniwan maghapon ay baka patay na naming madatnan. dala rin nila ang maliit na padede na gamit nila sa pagpapainom sa ibon. kaya't nang makita ng mga pinsan nila sa laguna ay tuwang-tuwa ang mga bata. by the way, ang mga apo ko rito 1 girl na third year high school, i boy na grade 3 at si bunso ay boy na kinder pa lamang. silang tatlo ang nag-aalaga sa ibon, saka sa dalawang sisiw na binili nila sa maglalako kapag pista, yung ang balahibo ay kinukulayan pa ng tindero. mayroon din silang 2 maya na binili rin sa piesta, isinama nila sa hawla ng lovebirds.
ipinaistorya nila ito sa akin at sana raw ay sagutin ninyo. ang pangalan nga pala ng mga apo ko ay liza alexis, alfred at alexander.
rgrds,
ka amor |
|
Back to top |
|
 |
benyd

Joined: 10 Jul 2005 Posts: 344 Location: Alexandria, VA
|
Posted: Tue Jun 20, 2006 12:27 pm Post subject: Re: Karanasan sa Ibon |
|
|
guest_emman wrote: | Pananaw sa Ibon nung ako ay bata pa ay iba
Isa lamang itong bagay na walang halaga
Bitbit ang tirador sa mga punuan at palayan ang punta
Ang kawawang mga Ibon ang siyang puntirya
Tumanda ng konti hanggang magbinata
Pagtrato sa Ibon di pa rin nag-iba
Meron ding nabago pero yon ay sandata
Sa halip na tirador ngayon ay ripleng de bomba
|
noong aking kabataan, wala rin akong pakialam
pinanonood lang ang ibon kung nagliliparan
hindi interesado dahil sila'y may kalayuan
takot nga palibhasa, umiiwas na masaktan.
panganay kong kapatid, masigo sa saltik
sanay umasinta, paglusong ay maybitbit
di hamak na malalaki kaysa mga ibong pipit
pampalasa sa arroz caldo, kapalarang sinapit. _________________ To God be the glory! |
|
Back to top |
|
 |
benyd

Joined: 10 Jul 2005 Posts: 344 Location: Alexandria, VA
|
Posted: Tue Jun 20, 2006 12:51 pm Post subject: mga inakay at apo |
|
|
amork wrote: |
ipinaistorya nila ito sa akin at sana raw ay sagutin ninyo. ang pangalan nga pala ng mga apo ko ay liza alexis, alfred at alexander.
rgrds,
ka amor |
ka amor,
mababait na apo ang mga alaga mo
sa maagang edad maawain ang mga ito
marunong kumalinga ng api sa mundo
kahit sabihing mga ibon lang ito.
wala nga palang dapat ipagtaka
kung mababait itong mga bunga
hindi maiiba sa pinagmulan nila
mabuting punong namunga sa kanila.
liza alexis, alfred at alexander,
aking pakiusap, sanay panatilihin
maamong puso at pagkamaawain
akin lang magagawa, kayo'y ipanalangin
na 'wag kayong pabayaan ng Dios natin. _________________ To God be the glory! |
|
Back to top |
|
 |
amork

Joined: 07 Jul 2005 Posts: 761 Location: Amor Kagahastian
|
Posted: Sun Jul 09, 2006 2:57 am Post subject: si naki |
|
|
dear beny and tony,
nalungkot ang mga apo ko rito dahil isang umaga ay nakita nilang patay na si naki, ang ibon na three weeks din nilang inalagaan.. nakatutuwa na dahil nag-aaral nang lumipad at nakalulundag na roon sa malaki-laking kahon.
the night before ay pinakain pa nila at pinainom. may response na pati yon pag tinawag ang pangalan. kapag inilapit ang kamay ay sumasampa na. ang kaso, nilagyan nila ng kulambo para raw hindi makaalis sa kahon. siguro, napagod sa kalulundag kaya namatay.
ngayon dagang puti naman ang ipinabibili at yon daw ang aalagaan ni alfred.
kumusta na yong ibon diyan? they want to know.
rgrds,
ka amor |
|
Back to top |
|
 |
benyd

Joined: 10 Jul 2005 Posts: 344 Location: Alexandria, VA
|
Posted: Mon Jul 17, 2006 8:17 pm Post subject: Wala na rin! |
|
|
Ka Amor.
Ibon naming alaga, hinayaang lumaya
Hanapin ang buhay na sa kanya'y itinakda
Siguro isa siya sa aking mga nakikita
Masipag maghalukay, bulate sa lupa.
Kung sila'y lumipad ay hindi kataasan
Mas gusto nilang palundag-lundag lang
Dito palibhasa'y hindi sila pakikialaman
Saktan sila ay bawal, me kaparusahan.
Ito ngang mga pato hari ng lansangan
Kapag tumatawid naghihintay ang sasakyan
Hindi sila pwede banggain at sagasaan
Dahil malaking multa, iyong babayaran. _________________ To God be the glory! |
|
Back to top |
|
 |
eve19612000

Joined: 11 Jul 2005 Posts: 1026 Location: Sheba Allenbach-Aseoche
|
Posted: Thu Jul 20, 2006 12:43 am Post subject: Sa Aming Bakuran |
|
|
may natatanging ibon na di mawari
sipol kakaiba kalamo'y nagkukunwari
nagbabadya malapit na ang takip silim
kailangan na nitong bumalik at lumilim
pangkaraniwang ibon kung ihahambing
itsura baga'y maya sa aming paningin
pag nagsimulang sumipol ay papansin
maging ang mga pusa'y gustong paalisin
toktoktok tunog ng sipol, na nangangatok
naging palaisipan kung sya ba'y inaantok
oh di kaya sa amin sya baga'y nababatok
aba'y pambirang ibon sa pakikinig itututok
baina ay tunay ka! naghahanap kami ngayon kung sino ang nakakakilala sa ibong iyon... _________________ NEIN, ich irre mich nie! Einmal dachte ich, ich hätte mich geirrt, aber da habe ich mich getäuscht...-sheba- |
|
Back to top |
|
 |
|
|
You can post new topics in this forum You can reply to topics in this forum You cannot edit your posts in this forum You cannot delete your posts in this forum You cannot vote in polls in this forum
|
Powered by phpBB © 2001, 2005 phpBB Group
|